Máru presentasionicha
La Atalaya 1 de eneru
“¿Cha eratsisïni eska parhakpinirhu sánderu sési jándepiringa engachi iáminduecha úpiringa i ambe? [Arhinta je Ebreu 13:18 ka jurajku je eska mókuntaaka.] Bibliajtsïni arhisïndi eskachi méntkisï jurhimbitiuaka o sési jámani. I kutsïri rebista La Atalaya explikarisïndi eskachi iámindu ambe jimbo juchari irekuarhu jatsiska para jurhimbitiini.”
Ambakiti ambe enga Tata Diosïrika
“Pʼorhembixakachi kʼuiripuni para exerani néna estudiarini Bibliani arini foietu jingoni. I foietu, 15 jorhenguarhikuechani jukaasti engajtsïni jorhendajka nanichi uá exeantani Bibliarhu mókuntskuechani arini kurhamarhikuecheri engaksï jukaparhakueka. [Exera je foietuni, primeru ka últimu pájinani.] ¿Ménisïjtsï jánguarhintaski kurhanguni ambe enga Biblia arhijka? [Jurajku eska mókuntaaka.] Jurajkuksïni exerani na engaksï xáni fásilika jorhenguarhikuecha. [Jirinhanta je jorhenguarhikuani 3 ka exe je primeru párrafuni kurhamarhikua 3. Tátsekua, arhinta je Jaŋaskuecha 21:4, 5. Engajtsï sési exejka, arhinta je máteru párrafuni Bibliarhu anapu textuecha jingoni.] Uákajtsï pakatakuarhini foietuni ka estudiarintsï sikiera ma jorhenguarhikua. Engajtsï tsitiaka, uákajtsï seguirini jorhenguarhini. Máteru uelta, úpiringachi exeni primeru jorhenguarhikuani, enga ma pájinerikueka.”