Jorhenguarhi je néna sánderu sési aianhpeni​: pendienti jurajku je ambe ma parajtsï úni kʼuanhatsintani

ANDISÏ JUKAPARHAKUE:

Uékasïngachi seguirini jorhendaani imechani engachi eianguakia jurhimbikueri ambe (1Ko 3:6). Engachi exentaska nemani enga uéjka sánderu mítini, sési jauati pendienti jurajkuni kurhamarhikua ma parachi máteru uelta mókuntani. I ambe uáti eska kʼuiripu uékaaka sánderu mítini ka sánderu fásiliuati prepararikuarhini para rebisita. Engachi ménderu niuaka, uákachi arhini eskachi niraska para mókuntani kurhamarhikuani engachi pendienti jurajkupka.

NÉNA ÚNI:

• Engajtsï prepararini jauaka presentasionini engajtsï úraaka eianhpikuarhu, eratsi je náki kurhamarhikuantsï pendienti jurajkua para máteru uelta. Uákajtsï erakuni ma enga mókukuarhintajka imani publikasionirhu engajtsï aiatspiaka. Ístujtsï uáka pʼitani publikasionirhu ma engachi úrajka para estudiuechani uaani ka exerani publikasionini máteru bisita jimbo.

• Engajtsï kʼamaraakia uandontskuarhini kʼuiripu ma jingoni enga interesi jatsika sánderu mítini, arhi je eskajtsï uékapiringa seguirini uandontskuarhini máteru uelta ka úku je kurhamarhikuani engajtsï uéjka pendienti jurajkuni. Engajtsï uáka, kurhakua je datuechani.

• Engajtsï pakaraka jandora ma para pʼorhembintani, kumpliri je (Mt 5:37).