“Uámba mítikatesti iretarhu anapu puertecharhu”

Ambakiti témba ma úsïndi eska uámba sési exenhaaka. Rei Lemueliri jurhiatikuechani jimbo, achati ma enga ambakiti témbani kámaenga ‘mítikatespti puertecharhu’ (Pr 31:23). Iásï, orhejtsïkuticha ka orhejtsïkuticheri jarhuajpiricha respetarinhasïndiksï. Tembuchatichaksï uáti ísï marhuani engaksï témbecha apoiariuaska ka ambakiti jánguaksï ma jatsini (1Ti 3:4, 11). Uámbecha xárhati pirenchicheri, kánikuaksï uékaasïndi ka ístu kúnguarhikuarhu anapuecha.

¿Néna jarhuatasïni ambakiti témba ma uámbani paraka uáka marhuani kúnguarhikuarhu?

• Uinhaperantasïndi ambakiti uandakuecha jingoni (Pr 31:26).

• Kurhangusïndi eska uámba jatsiska para kúnguarhikueri ambe atenderini (1Te 2:7, 8).

• Arisku sáni irekasïndi (1Ti 6:8).

• No kurhamarhisïndi ambe enga no jatsika para mítini (1Ti 2:11, 12; 1Pe 4:15).