Esekiasi intsïnhaaspti kóntperatechani imeri jakajkukua jimbo

Asiria anapu rei Senakeribi, Rabsakeni axaspti Jerusaleni para exijirikuani eskaksï entregarikuarhipiringa. Asiriuechaksï mámaru ambe arhiaspti judiuechani parakaksï chérakuarhipiringa ka no uarhipeparinksï entregarikuarhini.

• 

  No nema úpirindi jarhuataani. No marhuakuapirindi Ejiptu jingoni úkuarhini (Isa 36:6).

• 

  Duda. Jeoba no kuájchakuapirindi jimboka ikiakuaxapka (Isa 36:7, 10).

• 

  Chéraani. Nóksï úpirindi andani ejersitu asiriuni enga xáni uinhapipka (Isa 36:8, 9).

• 

  Tsʼéjkukua. Engaksï entregarikuarhipiringa asiriuechani, sánderuksï sési irekapirindi (Isa 36:16, 17).

Esekiasi méntkisï mintsikaspti Jeobani

37:1, 2, 14-20, 36

• Úspti ambe enga xáni úpka úni para prepararini iretani engaksï mínhapiringa.

• Kómarhispti Jeobani para kurhakuni eska kuájpiapiringa ka jarhuataspti iretani para sánderu mintsikani Jeobani.

• Esekiasi intsïnhaaspti kóntperatechani imeri jakajkukua jimbo, jiáni enga Jeoba axapka ánjilini ma enga 185,000 sondadu asiriuechani uándikuapka ma chúri jimbojku.