Kómarhikua pímbinhasï sési pénhantasïndi

Templu Esekieliri bisioniri, xarhatakuaspti judiuechani engaksï jupikata japka ka engaksï no jurajkupka Jeobani, eska kómarhikua pímbinhasï sési pénhantapiringa. Ístu miátantaspti Jeobaeri juramukuechani para kómarhikua pímbinhasïini.

Saserdotichaksï jatsispti para jorhendani iretani Jeobaeri juramukuechani.

44:23

Jatsikua je máru ejempluechani engaksï xarhatajka eska jántspiri enga mintsinharhikueka ka jánhastiini, jorhendaskajtsïni ambe diferensia jarhaski entre ikichakueni jásï ambe ka limpiu ambe (kr-S páj. 110-117).

Israelitechaksï jatsispti para apoiariuani imechani enga Jeoba erakuapka para orhekupaani.

45:16

¿Nénachi uá xarhatani eskachi apoiariuasïnga kúnguarhikuarhu anapu orhejtsïkutichani?