“Janhanharhi chíti tátini ka chíti nándini”

Enga Jesusi Echerirhu japka, miátpentaspti arini juramukuani: “Janhanharhi chíti tátini ka chíti nándini” (Éx 20:12; Mt 15:4). Úspti ísï uandani jimboka ima kurhajchaasïrenga imeri tátichani desde enga sapichuepka (Lu 2:51). Enga Jesusi kʼépkia, asegurarikuarhispti eska imeri nándi jatsipiringa ambe enga xáni uétarhinchapiringa enga ima uarhipiringia (Jn 19:26, 27).

Iásï, kristianuecha engaksï sapichku jaka, janhanharhiasïndiksï imeri tátichani engaksï kurhajchauaka ka respetu jingoni uandontskuarhikuani. Ka i juramukua para janhanharhiani tátichani, no méni kʼamakurhiati. Nájkirukaksï juchari táticha tʼarhepiakia, jatsiskachi para janhanharhiani, kurhajchapariani imecheri konsejuechani (Pr 23:22). Máteru ambe jimbo engachi janhanharhiajka juchari tátichani engaksï jatirikia, jindesti jarhuataani imani ambe jimbo engaksï nitamanchani jauaka ka tumina ambe jingoni enga uétarhiaka (1Ti 5:8). Ia seachi sapichueni ochi kʼératinia, ma ambe jimbo engachi uáka jukaparharaani juchari tátichani jindesti méntku uandontskuarhikuani jarhani.

ENGARI EXEAKIA BIDEUNI ¿NÉNA UÁ UANDONTSKUARHINI JUCHITI TÁTICHA JINGONI? MÓKUANTA ARINI KURHAMARHIKUECHANI:

• ¿Andisï ménisï úpirini úkua jukani chíti táticha jingoni uandontskuarhini?

• ¿Nénari uá janhanharhiani chíti tátichani engari imecha jingoni uandontskuarhini jauaka?

  

• ¿Andisï jukaparhakue jánguarhintani táticha jingoni uandontskuarhini? (Pr 15:22).