Ju je májkueni úni eska Kristu

Iáminduchi jatsiska para Jesusiri ejempluni chúxapani ka sánderu jiáni engachi tsʼéjkukuechani jatsiauaka ochi no sési kánhani (1Pe 2:21-23). Jesusi no mókukuarhispti enga no sési arhinhani japka, ni enga no sési nitamakuarhini japka (Mr 15:29-32). ¿Ambe jarhuataspi tekaantani? Ima meru uékasïrendi úni ambe enga Jeoba uéjka (Jn 6:38). Ístu, miásïrendi eska “aiaminhaspka ma kʼéri tsípikuarhita” (Ebr 12:2).

¿Ambechi úsïni engachi no sési kánhajka juchari jakajkukuecha jimbo? Jurhimbiti kristianuechachi no jámasïnga “no sési úkuntani imani enga⁠[jtsïni] no sési úchiaka” (Ro 12:14, 17). Engachi májkueni tekaantajka eska Jesusi engachi no sési nitamakuarheni jarhajka, sésichi pʼíkuarherasïnga jimbokajtsïni Jeoba jeiapanhintasïnga (Mt 5:10-12; 1Pe 4:12-14).

ENGAJTSÏ EXEAKIA BIDEUNI NO MA AMBE SÁNDERU JUKAPARHAKUESTI ESKA JEOBAERI NOMBRI, EXE JE ARINI KURHAMARHIKUECHANI:

• ¿Ambe úspi pirenchi Poetzinger para sési úrani tiempu enga jandiajku japka ónhakata?

• ¿Ambe ka ambeksï jatsispi para aguantarini erachi ka pirenchi Poetzinger engaksï kampu de konsentrasionicharhu japka?

• ¿Ambe jarhuataaspi aguantarini?