Jorhenguarhi je néna sánderu sési aianhpeni: Jorhenguarhi je néna úrani jw.org

ANDISÏ JUKAPARHAKUE. Iámindu publikasionicha engachi úraajka para jorhentpini, pʼímarhirpesïndiksï inchani jw.org. Ka tarjeta para jw.org inchani ka tratadu ¿Nanijtsï exeantaua mókuntskuechani kurhamarhikuecheri tsípikueri?, úkataksï jarhasti para pʼímarpini inchani jw.org. Uákachi úrani jw.org parachi publikasionichani axaani engaksï jindeka para jorhentpini, ia sea elektroniku jimbo o enlase ma jimbo. I ambe marhuasïndi engachi predikarikuni jauaka nemani enga máteru idioma uandajka. Ménisïjtsïni kurhamarhisïndi ambe ma enga no mókukuarhijka publikasionicharhu. Enga ísï úkuarhiaka, sánderuchi sési eianhpiaka engachi mítiaka néna úrani juchari pájina Internetiri.

NÉNA ÚNI

• 

  Úra je partini “BIBLIAERI JORHENGUARHIKUECHA”. Por ejemplu, para táti ma jingoni uandontskuarhini enga uandanhiajka néna sési tʼarhexeraani sapiichani, exe je partini BIBLIAERI JORHENGUARHIKUECHA > TEMUNGURHIRIKUA KA FAMILIA.

• Úra je partini “PUBLIKASIONICHA”. Por ejemplu, engari chíti kompanieru ma jingoni uandontskuarhini jauaka ka uékandi exerani foietuni Mókuntskuecha para 10 kurhamarhikuecha tumbiicheri, exe partini PUBLIKASIONICHA > LIBRUECHA KA FOIETUECHA.

• Úra je partini “JUCHARI AMBE”. Por ejemplu, engajtsï kompanieru ma jingoni uandontskuarhini jauaka ánchikuarhitarhu ka uékantsï explikarikuni ambe engachi jakajkujka, exe je partini JUCHARI AMBE > KURHAMARHIKUECHA ENGAKSÏ SÁNDERU ÚKUARHIJKA.

ENGAJTSÏ EXEAKIA BIDEUNI JORHENGUARHI JE NÉNA ÚRANI JW.ORG, ERATSI JE NÁKI PARTICHANTSÏ ÚRAAPIRINI JUCHARI PÁJINERI INTERNETIRI ENGA I AMBE JAPIRINGA:

• Engajtsï uandontskuarhipiringa kʼuiripu ma jingoni enga no jakajkujka Tata Diosïni.

• Engajtsï uékapiringa sési pʼikuastantani nemani enga no sési ambe úkuarhinchaka.

• Engajtsï uékapiringa jarhuatani erachini ma enga nóteru eianhpijkia.

• Engajtsï explikaripiringa náki tumina jingoni úkuarhisïni juchari ánchikuarhita.

• Para jarhuatani kʼuiripuni ma enga máteru paisirhu anapueka ka enga uéjka tánguarhikuecharhu nirani enga kʼuanhatsintaakia imeri paisirhu.