JUKAPARHAKUA AMBE BIBLIAERI | JUANU 5, 6
Uékperakua jimbo chúxapa je Jesusini
Enga Jesusi arhiapka ambe ma imeri disipuluechani engaksï no kurhangupka, máruksï no sési exespti ka jurajkusptiksï. Ma jurhiatikua antesi, Jesusi milagru ma úspti para tʼireraani, ísï úparini, xarhataspti eska imeri uinhapikua Tata Diosï jimboespka. Jiájkani, ¿andiksïsï jurajkupi? Jimbokaksï interesi jimbosï chúxapenga. Uékasïrendiksï eska Jesusi íntsaapiringa ambe engaksï uétarhinchenga.
Kurhamarhikuarhi je: “¿Andisïni chúxapajki Jesusini? ¿Imani kóntperatecha jimbo engani iásï jatsiaka ka engani jatsiauaka sánderu orhepani o jimbokani xénchasïnga Jeobani ka uékani jaiapanherantani?”.
¿Andichisï úpirini jurajkuni Jeobani engachi sánderu arini ambe jimbo marhuakupiringa?
Jimbokachi tsitisïnga erachicha jingoni jarhani.
Jimbokachi uékasïnga irekani Paraisurhu.