Intsïmperakua ma para Jeoba

¿Iásïchi néna uá íntskuni Jeobani “intsïmperakua ma”? (1Cr 29:5, 9, 14). Ju je exeni nénachi uá donasioni íntspini para ánchikuarhita engachi Jeobaeri testiguecha újka jimesï engachi jucha irekaka ka máteru nani ísï.

DONASIONI ENGACHI INTERNETI JIMBO ÍNTSPIJKA KA ÍSTU IMANI ENGACHI KAJITECHARHU JATSIRAJKA, ÚRAKUARHISÏNDI PARA I AMBE:

• 

  ÁNCHIKUARHITA ENGA INTERU PARHAKPINI ÚKUARHIJKA

  únhasïndiksï sukursalicha ka ofisinecha de traduksioni ka para ambe enga uétarhiaka ini lugaricharhu

  eskuelecha para sánderu jorhenguarhini Bibliaeri ambe

  erachicha engaksï tiempu kompletueri marhuani jaka

  jarhuajpini enga no sési jásï ambe úkuarhijka

  bideuechanksï uásïndi ka ístu publikasionichani engaksï imprimirikuarhijka ka engachi selulari o tableta jimbo exeajka

• 

  AMBE ENGA KÚNGUARHIKUARHU UÉTARHIJKA

  arreglarini Kʼumanchikuani Reinueri ka meiampini itsïri o lusiri

  kúnguarhikua donasioni ma axasïndi sukursalirhu, seguni na engaksï xáni uandakia eskaksï íntspiaka para:

  • interu parhakpini uáni Kʼumanchikuechani Reinueri ka ístu Kʼumanchikuechani para Kʼéri tánguarhikuecha

  • Programa enga Interu Parhakpini jaka para Jarhuajpini

  • para máteru ambe enga úkuarhijka interu parhakpini

KʼÉRI TÁNGUARHIKUECHA REJIONIRI KA SIRKUITUERI

Donasionicha engaksï kʼéri tánguarhikuecharhu rejioniri íntspinhajka, jindestiksï para ánchikuarhita enga interu parhakpini úkuarhijka. Ka i donasionichaksï úrakuarhisïndi para meiampini ambe enga xáni uétarhiaka kʼéri tánguarhikuecharhu rejioniri, espesialicharhu ka internasionalicharhu.

Donasionicha engaksï kʼéri tánguarhikuarhu sirkuitueri íntspinhajka, úrakuarhisïndiksï para renteri meiampini, para úraani ka arreglariuani imani lugarichani engaksï úrakuarhijka para kʼéri tánguarhikuecha, ka para ambe enga uétarhini jauaka sirkuiturhu. Ísï tátsekua engaksï iámu amberi maiampiakia, jamberiksï máru sirkuituecha uékaati donarini tumina engaksï nóteru úraakia, para Jeobaeri testiguecheri ánchikuarhita enga interu parhakpini úkuarhijka.