Arhinhasïndi eska no sési eratsetarpisïnga ka eska úsïnga eska kʼuiripu nóteru kumpliriuakia juramukuani

23:12, 16; 24:2, 5, 6, 10-21

Máru judiuecha Jerusaleni anapuecha, jurarisptiksï eskaksï uándikupiringa Pabluni ka uandasptiksï eskaksï no sési jásï ambe úkuarhinchapiringa engaksï no ísï úpiringa (Uk 23:12). Peru Jeoba uékasïrendi eska Pablu aianhpipiringa Roma (Uk 23:11). Pablueri sobrinu jarhuajpispti parakaksï no uándikupiringa, jimboka niáraspka mítiti ambe engaksï eratsitini japka úni ka juramutichani aianguaspti (Uk 23:16). ¿Ambejtsïni jorhendasïni i relatu de...

• ... ambe enga úkuarhijka enga nema uéjka pʼínguni ambe enga Tata Diosï eratsini jaka úni?

• ... ambe enga uáka úrani Jeoba parajtsïni jarhuatani?

• ... na enga xáni jukaparhakueka balori jukani?