Jarhuataasïngachi juchari erachichani engaksï no sési úkuarhinchaka jini Caribe

Iásï, ísï eska primeru siglurhu, sésikuachi jatsiska para uékperakua xarhatakuani erachichani engaksï no sési ambe úkuarhinchaka desastre ma jimbo (Jn 13:34, 35). Bideu Uékperakuachi xarhatasïnga: jarhuajpesïngachi enga no sési ambe úkuarhika islasi del Caribe, xarhatasïndi ambe engaksï úni jaka interu parhakpini anapu erachicha para íntsaani ambe engaksï uétarhinchajka ima erachicha engaksï Caribe irekaka. Engajtsï exeakia bideuni, mókuanta je arini kurhamarhikuechani:

• ¿Náksï xáni no sési nitamakuarhiski Caribe anapu erachicha urakanicha jimbo Irma ka María?

• ¿Néna úraaxaki Jeoba interu parhakpini anapu erachichani para jarhuataani Caribe anapu erachichani?

• ¿Náksï pʼikuarheraski imecha engaksï no sési úkuarhinchaka urakanicha jimbo exeni na engaksï uékperakua xarhatakuaka?

• ¿Namuni erachichaksï niraspi jarhuajpini jiáni enga no sési ambe úkuarhipka jini Caribe?

• ¿Nénachi uá iáminduecha jarhuajpini jiáni enga no sési ambe úkuarhijka?

• ¿Nájtsï pʼikuarherasïni cha engajtsï exejka eskajtsï kúnguarhikua ma jimbo jarhaska nani engaksï xáni uékperakua xarhatajka?