Ju je mójtakurhini ka jimbanhi kʼuiripu máeni

3:5-14

¿Kánikuajtsï mójtakurhispi jiáni engajtsï niárapka míteni jurhimbikua ambe? Uákajtsï seguru jarhani eska Jeoba kánikua tsípispka enga exepka na engajtsï xáni jánguarhintapka (Eze 33:11). Peru uétarhisïndi seguirini jarhani jánguarhintani parachi no ménderu ísïini eskachi antesi na jásïpka ka seguirini jarhani xarhatani eskachi jimbanhi kʼuiripu máeskia. Parajtsï exeni nénajtsï úpirini sánderu ambakiti kʼuiripu máeni, mókuanta je arini kurhamarhikuechani:

• ¿Jatanhekusïni nemani engarini no sési ambe úchika?

• ¿Tekaantskua xarhatasïni asta jiáni jamberi engani uirikuarhini jámani jauaka o engani kuataratini jauaka?

• ¿Jirejiresï kénditasïni juchiti eratsikuarhu uératini ísku jándikua ambe?

• ¿Menusi uásïni imechani engaksï máteru idioma uandajka, engaksï máteru naniisï anapueka o máteru rasa?

• Iásï sáni, ¿no úski pʼíngukuarhini ka ikiaparini uandani?