Tata Diosï no méni mirikurhisïndi ambe engachi újka

Iámindu Jeobaeri marhuarichachi uáka úni ambe ma enga Jeoba para méntkisï miáni pakaraaka. Ísï eska táti ma na miáni pakarajka ambe engaksï uájpecha sési ambe újka, Jeobajtu miáni jarhasïndi ambe engachi sési ambe újka ka ístu uékperakua engachi imeri nombri jimbo xarhatajka (Mt 6:20; Eb 6:10). Ísïsti, nochi iáminduecha májkueni ambe jorhenaska úni nichi májkueni jásï ma irekua jatsi. Peru engachi jánguarhintaska xáni eskachi xáni uáka marhuakuni Jeobani, tsípikua jingonchi irekaaka (Gal 6:4; Kol 3:23). Desde iónisïa, uánikua erachichaksï jarhasti engaksï Beteli marhuajka. ¿Úpirinchi májkueni úni jucha? Engachi jamberi no újka, ¿uáchi jarhuatani nemani para úni Beteli marhuani ochi apoiarini familiarini ma para seguirini jarhani marhuakuni Jeobani jini Beteli?

ENGAJTSÏ EXEAKIA BIDEUNI ¿AMBERI JATSISKI PARA ÚNI PARARI BETELI MARHUANI?, MÓKUANTA JE ARINI KURHAMARHIKUECHANI:

• ¿Ambe jimbochi uékapirini Beteli marhuani?

• ¿Náki kóntperatechanksï jatsiasïni imecha engaksï Beteli marhuajka?

• ¿Ambe ka ambe uétarhisïni para ma úni Beteli marhuani?

• ¿Néna uá nema kurhajkuarhini para Beteli marhuani?