Jeoba xénchaasïndi imechani engaksï limpiu jatsijka ambe ma

“Jupajkukuarhi. Limpiari chíti kuarturhu. Kʼarhata. Ní basura tsïtani”. Uánikua tátichaksï jorhendaasïndi uájpechani limpiueni. Peru né enga uéjka eskachi limpiu jauaka jindesti Jeoba, jimboka ima pímbinhasïska (Éx 30:18-20; Dt 23:14; 2Ko 7:1). Engachi someni jikuajka ka engachi limpiu jatsijka ambe ma, kʼéri ambechi arhisïnga Jeobani (1Pe 1:14-16). ¿Na jarhaski juchari kʼumanchikua ka ístu ekuarhu ísï? Máruksï kʼuanikusïndi basura karreterecharhu ísï o parkecharhu, peruchi kristianuecha jánguarhintasïnga limpiu jatsini ini echerini (Sl 115:16; Jaŋ 11:18). Asta sapichu ambe jimbo, xarhatasïngachi sinchi limpiueski, por ejemplu, nanichi tsïtaasïni bolsa sapirhatichani, boteiechani refreskueri o xaxakua ambe. Uékasïngachi iámindu ambe jimbo ísï jámani eska na jatsika para jámani Tata Diosïri marhuari ma (2Ko 6:3, 4).

ENGAJTSÏ EXEAKIA BIDEUNI TATA DIOSÏ XÉNCHAASÏNDI IMECHANI ENGAKSÏ LIMPIU JATSIJKA AMBE MA, MÓKUANTA JE ARINI KURHAMARHIKUECHANI:

• ¿Máruksï ambe arhiparhatasïni paraksï no limpiu jatsini ambe ma?

• ¿Nénajtsïni jarhuatasïni Moisesiri Lei parachi míteni ambe eratsesïni Jeoba na engachi jatsika para limpiu jatsini ambe ma?

• ¿Nénachi uá kʼéri ambe arhini Jeobani no ma ambe uandaparini?