¿Ambechi jorhenguarhisïni pirekuecha jingoni?

¿Náki pirekuechantsï sánderu tsitiasïni programeri JW Broadcasting^®, ka andi? ¿Ísïjtsï exesïni enajkiksï bideuecha kústakua jingoni xarhatajki ambe engachi nitamakuarhijka? Pirekuechaksï mámaru amberi uandasïndi ka mámaru jásï kústakuesïndi, jimbosï méntkisï jauati pirekua ma engachi niáraaka tsitini. Peruksï pirekuecha ka bideuecha kústakua jingoni, nóksï solu jindesti para kurhandiani.

Iámindu pirekuechajtsïni jorhendasïndi ambe ma para juchari irekua ka aianhpikua. Máru pirekuechaksï uandasïndi néna sési kámpini, néna májku kʼéri jarhani, néna sési pájperani, baloriri ambe, uékperakueri ka jakajkukueri ambe. Máteruksï pʼímarpesïndi para kʼuanhatsentani Jeobani jingoni, puákuantani máteruechani, pauani pauani jánguarhintani kurhajchani Jeobani ka jirinhakuntani néna sánderu marhuakuni. Asta jamberi jarhasti pirekua ma engajtsïni jarhuatajka néna sési úrani telefonuni. ¿Ambejtsï jorhenguarhiskia ini pirekuecha jingoni?

ENGAJTSÏ EXEAKIA BIDEUNI KÚSTAKUA JINGONI NÓTERU IÓNI KUERATAXAPTI, MÓKUANTA JE ARINI KURHAMARHIKUECHANI:

• ¿Ambeksï eranhaskaxaki temungurhiri enga jatirikia ka enga niáraaka sánderu orhepani úkuarhini? (Gé 12:3).

• ¿Ambechi uá úni parachi sánderu mintsikani eska Jeoba kumpliriuaka ambe engajtsïni aiacheni jaka?

• ¿Néchanchi exeantaua ménderu no ióni jimbo?

• ¿Nénajtsïni jarhuatasïni ambe enga Tata Diosïri Reinu aiatspini jaka parachi úni tekaantani imani tsʼéjkukuechani engachi nitamakuarhiani jaka? (Ro 8:25).