KRISTIANUECHERI IREKUA
Jeoba kuájchakusïndi imeri iretani
Kánikua jukaparhakuespti jiáni engaksï israelitecha primeru xanhari úntapka Paskuani. Enga faraoni exepka eska imeri orheta uájpa uarhirixapka, ima chúri arhispti Moisesini: “¡Níia je! Uéakunta je juchiti iretarhu uératini cha ka iámindu máteru israelitecha. Ní je kómarhini Jeobani, ísï eskajtsï na uandaka” (Éx 12:31). Jeoba xarhataspti eska ima méntkisï kuájchakusïnga imeri iretani.
Engachi exejka ambe enga xáni úkuarhikia Tata Diosïri iretarhu ini jurhiatikuechani jimbo, sési jimbo xarharasïndi eska iásïjtu Jeoba orhekupaaxaka ka kuájchakuani imeri marhuarichani. I ambesï xarhatajti museu ma enga Estados Unidos Beteli jimbo jaka enga arhinhajka “Ireta ma enga Jeobaeri arhinhakua pájka”.
ENGAJTSÏ EXEAKIA BIDEUNI MIIUNI LUGARICHARHU ENGAKSÏ WARWICK JAKA: “IRETA MA ENGA JEOBAERI ARHINHAKUA PÁJKA”, MÓKUANTA JE ARINI KURHAMARHIKUECHANI:
¿Ambeksï jimbanhi ambe úraspi Bibliaeri Jorhenguarhiricha 1914 jimbo paraksï mítetarpini jurhimbikua ambe, ka néna nikuaspi?
¿Náki problemechanksï jatsiaspi erachicha 1916 ka 1918 jimbo, ka néna xarharaspi eska Jeobasï orhekupani japka imeri kúnguarhikuani?
¿Tata Diosïri ireta néna niáraspi no méni jurajkuni Jeobani nájkiruka no sési kánhapka?
¿Ambe niáraspi kurhanguni Jeobaeri ireta 1935 jimbo, ka ambeksï niáraspi úni ísï tátsekua?
Engajtsï nikaia ini museurhu o máteru museurhu enga máteru Betelirhu jaka, ¿ambe úski eskajtsï cha sánderu mintsikapiringa eska Jeobasï orhekupani jaka ka kuájchakuni imeri iretani?