Ju je no chkétakuarhini iásï enga kʼamandintskua axuterku jakaia

ANDISÏ JUKAPARHAKUE. No ióni jimbo, uánikua ambe úkuarhiati ka ísï eska no méni, jatsiakachi para xarhatani eskachi balori jukaska ka eskachi mintsikasïnga Jeobani. Kʼéri mískuarhita, uénakuarhiati jiáni enga kʼamajkunhaaka relijioni no jurhimbiti (Mt 24:21; Jaŋ 17:16, 17). Jiáni enga xáni no sési jánhaskuarhini jauaka, jamberichi aianhpiaka eska Jeoba jusgarpiaka (Jaŋ 16:21). Gog de Magog uénaatijtsïni no sési kámani (Eze 38:10-12, 14-16). Jimajkani Jeoba, Tata Diosï enga Iámindu ambe Újka Úni, uénaati uarhipeni imeri kʼéri jurhiatikua jimbo (Jaŋ 16:14, 16). Engachi uéjka balori xarhatani sánderu orhepatini, nochi jatsiska para chkétakuarhini iásï engachi tsʼéjkukuechani jatsiauaka.

NÉNA ÚNI

• Ju je balori jingoni xarhatani eska sési jarhaska ísï irekani eska Jeoba na juramujka (Is 5:20).

• Ju je kʼéri ambe arhini Jeobani juchari erachicha jingoni (Eb 10:24, 25).

• Ju je jirejiresï úni ambe engajtsïni Jeobaeri kúnguarhikua arhijka (Eb 13:17).

• Ju je eratsentani na enga Jeoba pʼímutantakia ióntki imeri iretani (2Pe 2:9).

• Ju je kómarhini Jeobani ka mintsikani (Sl 112:7, 8).

ENGAJTSÏ EXEAKIA BIDEUNI BALORI UÉTARHIATI IMANI AMBE JINGONI ENGA SÁNDERU ORHEPATINI ÚKUARHIAKA (MA PARTI), MÓKUANTA JE ARINI KURHAMARHIKUECHANI:

• 

  ¿Nénaksï niáraspi tsʼéjkunhani erachicha paraksï no kurhajchani Jeobani jiáni enga mójtakunhapka ambe ma kúnguarhikuarhu?

• 

  ¿Nénajtsïni jarhuataa kurhandirani parachi sánderu balori jukani?

• 

  ¿Andichisï jatsia para balori jukani Armajedoni jimbo?

• 

  ¿Náki Bibliaeri ejemplujtsïni jarhuatasïni parachi sánderu mintsikani eskajtsïni Jeoba uáka pʼímutantani? (2Cr 20:1-24).