KRISTIANUECHERI IREKUA
Ju je jingontku jámani parachi no chkuanderakua ambe etsakuni
Ini jurhiatikuecha jimbo, kʼuiripu sóntku niárasïndi míteni ambe enga úkuarhini jarhajka, sïrandecha jimbo, radiu, telebisioni o Interneti jimbo. Jucha engachi Tata Diosï jurhimbitini kómarhijka, nóchi uékasïnga chkuanderakua ambe etsakuni, jimbochisï jatsika para meru jingontku jámani (Sl 31:5; Éx 23:1). Ambe engachi aianguauaka máteruechani, uáti kánikua no sési útspini. Parachi míteni eska ambe ma ísïska, ju je kurhamarhikuarhini:
¿Mintsinharhikueski ima kʼuiripu enga indeni ambe uandantani jaka? Jamberi inde kʼuiripu no iámindu ambe sési míteti. Ima ambe engaksï kʼuiripuecha aianhperapajka sánhani arhisïndi mójtakurhini. Ísï jimbo, xéparini jáma je engajtsï no míteaka nésï uéna ísï uandani. Ima erachicha engaksï pribilejiuechani jatsiaka kúnguarhikuarhu, jatsistiksï para méntkisï imani ambe uandani enga meru ísïika, jimboksïsï jatsiti para útasï sánderu xéparini jámani paraksï no jámani uandani imani ambe enga jamberi no ísïika.
¿No sési pakataa nemani? Enga ísïuaka, sánderu sésiuati no aianguani máteru kʼuiripuechani (Pr 18:8; Flp 4:8).
¿Meru ísï úkuarhi? Jingontku jáma je engajtsï kurhaaska eska úkuarhiska ambe ma enga úkua jukaaka para jakajkuni.
ENGAJTSÏ EXEAKIA BIDEUNI ¿NÉNARI UÁ PʼÍNGUNI CHISMENI?, MOKUANTA JE ARINI KURHAMARHIKUECHANI:
Ísï eska na arhijka Proverbios 12:18, ¿juchari uandakuechaksï na xáni uá no sési útspini?
¿Nénajtsïni jarhuatasïni Filipusʌ 2:4 parachi sési eratsentani ante dechi uandani ambe ma máteru kʼuiripueri?
¿Ambechi jatsiski para úni enga nema úndaaka arhinchpeni o no sési ambe uandani?
Ante dechi uénani uandani máteru nemaeri ambe, ¿ambechi jatsipirini para kurhamarhikuarhini?