¿Uájtsï úrani chári tiempu ka uinhapikuani?

Ísï eska na uandapkia profeta Isaiasi, Jeobaeri kúnguarhikua, ixú echerirhu, sánderu kʼéxati ísï eska no méni (Is 54:2). Ísï jimbo, uétarhisïndiksï únhani sánderu Kʼumanchikuecha Reinueri, Kʼumanchikuecha para Kʼéri Tánguarhikuecha ka edifisiuecha Betelicharhu. Ka engaksï na únhajkia, uétarhisïndi sési jatsiani ka tátsekua ménderu sési jájkuantani. I ambe úsïndi eskachi úraaka juchari tiempuni ka uinhapikuani para Jeoba. Por ejemplu:

• Uákachi jarhuatani juchari grupuni kúnguarhikuarhu para Kʼumanchikua Reinurhu ambantskantani.

• Uákachi jorhenguarhini néna sési jatsini juchari Kʼumanchikua Reinuerini.

• Uákachi uininharhitantani Solicitud de voluntario local de diseño y construcción (DC-50) parachi jarhuajpini uáni o sési jájkuantani Kʼumanchikuechani Reinueri engaksï jima no iauanisï jaka engachi jucha irekaka.

• Uákachi uininharhitantani Solicitud para el programa de voluntarios (A-19) para Beteli jarhuajpini ma semana o sánderu o para jarhuajpini máteru nani enga juchari Beteliri territoriu jimbo jaka.

ENGAJTSÏ EXEAKIA BIDEUNI JIMBANHI ÁNCHIKUARHITA MA (MA PARTI), MÓKUANTA JE ARINI KURHAMARHIKUECHANI:

• Desde 2014 uératini, ¿ambe úkuarhiski bideuecha jingoni?

• Parachi uáni imani bideuechani engachi uétarhinchaajka, ¿náki ánchikuarhitachi jatsiski para úni ka na jatini kʼamakurhia?

• ¿Nénaksï uá jarhuajpini erachicha ka pirenchicha ini ánchikuarhitarhu?

• Engachi uéjka jarhuajpini Rámapo, ¿andichisï jatsi para uininharhitantani solisitudini DC-50 ka ánchikuarhini LDC jingoni jima no iauanisï engachi jucha irekaka?

• ¿Ambe xarhatasïni eska Jeoba jarhuajpixaka paraka úkuarhiaka i ánchikuarhita?

• ¿Nénachi uá jarhuajpini ini ánchikuarhitarhu engachi no uáka nirani konstruksionirhu?