Jánguarhinta je méntkisï sési irekani temungurhirini

Jeoba kánikua jukaparharasïndi ambe engaksï temungurhiricha aiantsperajka jiáni engaksï tembuperajka ka ima uandasïndi eskaksï jatsiska para no méni jurajperani (Mt 19:5, 6). Jeobaeri iretarhu uánikua temungurhirichaksï jarhasti engaksï sési irekuarhini jaka. Iámindu temungurhirichaksï jatsiasïndi uandanhiatechani. Joperu ju je no méni eratseni eska para nóteru jatsiani uandanhiatechani, sánderu sésiska jurajperani o diborsiarikuarhini. ¿Néna uá temungurhiri ma méntkisï sési irekuarhini?

Ju je exeni sinku ambe.

1. Kuájchaku je chári mintsitani, asï tsípiku je o ninharhikuni nemani enga no chári acheetika o uarhiitini ka ístu, asï exe je ísku jándikua ambe. I ambe úsïndi eska temungurhiri ma no sési irekuarhiaka (Mt 5:28; 2Pe 2:14).

2. Ambakiti pájperata ma jatsi je Jeoba jingoni ka jánguarhinta je ísï irekani chári uarhiiti o acheeti jingoni eska Jeoba na uéjka (Sl 97:10).

3. Jánguarhinta je ísï eratseni ka úni ambe ma eska Jeoba, ka sési jásï ambe ú je chári acheeti o uarhiiti jimbo parajtsï sánderu sési irekuarhini (Kol 3:8-10, 12-14).

4. Méntkisï uandontskuarhi je ka janhanharperani (Kol 4:6).

5. Sési kámbera je ka uékperakua jingoni jiáni engajtsï chá tsimarhantku jauaka (1Ko 7:3, 4; 10:24).

Enga acheeti ka uarhiiti janhanharhijka temungurhirikuani, janhanharhini jarhasïndiksï Jeobani enga kueraaka temungurhirikuani.

ENGAJTSÏ EXEAKIA BIDEUNI JATSISKACHI PARA “TEKANTSKUA JINGONI UIRIANI”. JU JE KUMPLIRIUANI KARRERERI REGLECHANI, MÓKUANTA JE ARINI KURHAMARHIKUECHANI:

• 

  Nájkiruka temungurhikuarhu orheta iámindu ambe sési jarhajka, ¿náki uandanhiatechaksï uá jarhani tátsekua?

• 

  ¿Nénaksï uá jarhuataani Bibliaeri karakatecha imechani engaksï ísï pʼikuarherajka enajkiksï nóteru uékperajkia temungurhirini?

• 

  ¿Ambe arhiasïni Jeoba temungurhirichani eskaksï uáka?

• ¿Ambeksï jatsiski para úni acheeti ka uarhiiti paraksï sési irekani?