Eraku je Jeobani marhuakuni

¿Tumbi máeskiri engari nótki itsï atakuarhini jaka, ojtsï chá jorhenguarhixaki Bibliaeri ambe? ¿Ménisïjtsï eratseski itsï atakuarhini? ¿Andijtsïsï jatsipirini para ísï úni? Jimboka engachi aiakukuarhejka ka itsï atakuarhini uénasïngachi ambakiti pájperakua ma jatsini Jeobani jingoni ka ístuchi uáka pʼímutantskata uérani (Sl 91:1; 1Pe 3:21). ¿Ambe uétarhisïni para úni aiakukuarheni ka itsï atakuarhini?

Exe je eska í jindeeska jurhimbikua. Ka engajtsï no seguru jaka, jirinhanta je sánderu informasioni ima kurhamarhikuecheri engajtsï jatsiaka (Ro 12:2). Ka engajtsï jatsika para mójtakuni ambe ma chári tsípikuarhu, ísï ú je jimbokajtsï uékasïnga Jeobani jaiapanherantani (Pr 27:11; Ef 4:23, 24). Kurhaku je Jeobani eskaksïni jarhuataaka ka mintsika je eskaksïni ima jarhuataaka imeri espiritu santu jingoni (1Pe 5:10, 11). Ka no ískuesti engajtsï jánguarhintaaka, jimboka no jarhaska sánderu ambakiti ambe ka eska marhuakuni Jeobani (Sl 16:11).

ENGAJTSÏ EXEAKIA BIDEUNI AMBE ÚNI PARA ITSÏ ATAKUARHINI, MÓKUANTA JE ARINI KURHAMARHIKUECHANI:

• ¿Náki ójkutakuechanksï jatsiaspi máru paraksï úni itsï atakuarhini?

• ¿Ambejtsï uá úni parajtsï xáni jakajkukua jatsini enga uétarhijka para aiakukuarheni Jeobani?

• ¿Ambe jarhuataski uánikuechani paraksï úni itsï atakuarhini?

• ¿Néna újchakurasïni Jeoba imechani engaksï erakujka marhuakuni?

• ¿Ambeski aiakukuarheni Jeobani ka ambe arhikuekasïni itsï atakuarhini?