KRISTIANUECHERI IREKUA

Tsípikua jingoni ireka je: jimbanhi publikasionicha para jorhentpini jurhimbikuani

¡Kánikuachi tsípisïnga engachi jimbanhi libru ma ka jimbanhi foietuni ma jatsika parachi jorhentpini Biblieri ambe! Kómarhisïngachi Tata Diosï Jeobani eskajtsïni újchakuraaka parachi jimbanhi Jesúsiri chúxapatichani uaani (Mt 28:18-20; 1Ko 3:6-9). ¿Nénachi uaa úraani ini jimbanhi publikasionichani?

Jorhentpini ini tsimani publikasionicha jingoni sánderu uandontskuarheta máesïndi. Ísï jimbo, jatsiskachi para iásï ménderueni jorhentpinia. Parajtsï ísï úni, arini ambe ú je engajtsï prepararikurhiaka ka engajtsï jorhentpini jauaka:a

Arhinta je informasionini ka exea je kurhamarhikuechani.
Arhianta je Biblieri karakatechani engaksï jindeeka para arhiantani ka jarhuata je jorhenguarhirini kurhanguni ambe engaksï i karakatecha jorhentpijka.
Jatsikua je bideuechani ka uaa je kurhamarhikuechani engaksï publikasionirhu jaka.
Jánguarhi je ma jorhenguarhikua exeni méni engajtsï niuaka jorhentpini.

Engajtsï aianhpini jámani jauaka, orheta íntspi je foietuni parajtsï exeni sienga kʼuiripu uékasïni sánderu ambe míteni (exe je rekuadruni “Néna íntspini foietuni Tsípikua jingoni ireka je engajtsï ueenaka uandontskuarheni nema jingoni” enga pájina 16 jimbo jaka). Engajtsï kʼamaraakia jorhentpini foietuni jingoni ka enga kʼuiripu uékaaka seguirini jorhenguarhini, íntsku je libruni ka jorhenguarhikua 4 jingoni ueena je. Engajtsï jorhenguarhini jakaia nema jingoni úraparini juchaari publikasioni ma, iásï úra je ia libruni Tsípikua jingoni ireka je. Chájtsï exeakia náki jorhenguarhikua ueenani.

Temungurhiri ma úraxati foietuni “Tsípikua jingoni ireka je” para uandontskuarhekuni tumbini ma enga autobusini erokuarhini jaka.

ENGAJTSÏ EXEAKIA BIDEUNI TSÍPI JE BIBLIERI AMBE JORHENGUARHINI, MÓKUANTA JE ARINI KURHAMARHIKUECHANI:

¿Ambeksï jorhenguarhia jorhenguarhiricha jimbanhi libruni jingoni?
¿Andijtsïsï jatsi para exeraani ini bideuni jimbanhi jorhenguarhirichani?
Eska na jorhenguarhipani jauaka jorhenguarhiri, ¿ambejtsï uaa arhini eska uaaka úni? (Exe je rekuadruni “Ambe enga jorhenguarhiri exeaka ka ambe enga uaaka ni” enga pájina 16 jimbo jaka).

a NOTA: Nájkirukajtsï no méntkisï exeaka jorhenguarhirini jingoni partini “Ístu exe je ini ambe”, exe je iámu informasionini engajtsï prepararikuarhini jauaka. Ísïjtsï uaaka exeni ambe enga jorhenguarhiri sánderu tsitiaka ka ambe enga sánderu marhuakuaka. I publikasionicha engaksï elektroniku jimbo jaka, enlasichanksï jukaasti para bideuechani exeani ka sánderu informasioni ambe.

AMBE ENGA JORHENGUARHIRI EXEAKA KA AMBE ENGA UAAKA ÚNI
	JORHENGUARHIKUECHA	ÍRI AMBE UANDASÏNDI	AMBE ENGA JORHENGUARHIRI UAAKA ÚNI
1	01-12	Exe je nénaksïni uaa jarhuatani Biblia ka nénajtsï uaa míteni imani enga Biblia kararkuarhika.	Pʼímarhi je jorhenguarhirini para arhintani Bibliani, para prepararikuarhini para jiáni engajtsï jorhendani niuaka ka para tánguarhikuecharhu nirani.
2	13-33	Exe je ambe enga Tata Diosï úkia juchantsïni jimbo ka na enga jaiapanhentajka eska ma kómarhiaka.	Jarhuata je jorhenguarhirini paraka uékaaka uandontskuarhekuani máteruechani jurhimbikueri ambe ka paraka aianhpiri máeuaka.
3	34-47	Jorhenguarhi je ambe enga Tata Diosï erokuarhijka ima kʼuiripuecheri engaksï kómarhijka.	Pʼímarhi je jorhenguarhirini paraka aiakukuarheaka Tata Diosï Jeobani ka para itsï atakuarhini.
4	48-60	Exe je néna engajtsï uaaka seguirini Tata Diosïri xénchperakuarhu jarhani.	Jorhenda je jorhenguarhirini paraka exeaka ambe enga no sési jaka ka ambe enga sési jaka ka para seguirini andarhierani Tata Diosïni.