Ju je jorhenguarhini sánderu jánhastiini

Májkueni eska imeecha engaksï uirijka na praktikarijka paraksï uinhapiti jatsiani imeecheri muskuluechani, juchajtuchi jatsiska para jorhenguarhini sánderu sési erakuni úni ambe ma (Eb 5:14). Nájkiruka sánderu fásilika nomasi ísï úni eskaksï máteruecha na újka, jatsiskachi para jorhenguarhini eratseni ka erakuni úni ambe ma. ¿Andi? Jimbokachi mándani arhini kuenta íntspintaaka para imani ambeeri engachi erakuaka úni (Ro 14:12).

Nóchi eratseaka eskachi sési erakuaka úni ambe ma nomasi jimbokachi ióntki itsï atakuarhiskia. Sánderu sési, uétarhisïngachi mintsikani Tata Diosï Jeobani, imeeri Karakatani ka imeeri kúnguarhikuani (Jos 1:7, 8; Pr 3:5, 6; Mt 24:45).

ENGAJTSÏ EXEAKIA BIDEUNI JÁNGUARHI JE AMBAKITI KONSIENSIA MA JATSINI, MÓKUANTA JE ARINI KURHAMARHIKUECHANI:

• 

  ¿Ambe jatsispi para erakuni úni Emma?

• 

  ¿Andichisï no jatsi para uandani na engachi exejka ambe ma enga konsiensia ambeeriuaka?

• 

  ¿Náki konseju íntskuspi temungurhiri ma Emmani?

• 

  ¿Nani exentaspi Emma informasioni enga uétarhinchani japka?