KRISTIANUECHERI IREKUA
Méntkisï miá je Tata Diosï Jeobani
Engachi no úni jarhajka exentani ánchikuarhita ma, úpiringachi úkua jukanchani Tata Diosïri Juramukueri ambe orhetku peerani ka para ísï jámani eska ima na jaiapanhintajka. Jamberichi úpiringa eratseni jarhani jiókuarhini ánchikuarhita ma engachi jimbo úpiringa úkua jukanchani marhuakuni Tata Diosï Jeobani o nóchi kurhajchani ambe enga Biblia uandajka. Peruchi uaaka seguru jarhani eska Tata Diosï Jeoba “uinhapikua xarhatakua[sïnga] imeechani engaksï iámu mintsita jingoni marhuakujka” (2Cr 16:9). Ima Taati máesti enga kánikua xénchpetika ka no ma ambe uaati eskajtsïni ima no jarhuataaka ka íntskuntsïni ambe engachi uétarhinchajka (Ro 8:32). Ísï jimbo, engachi erakuni jauaka ánchikuarhita ma, mintsinharhiakachi Tata Diosï Jeobani ka méntkisïchi orhetku peeraaka imeeri ambe juchaari tsípikuarhu (Sl 16:8).
ENGATSÏ EXEAKIA BIDEUNI JU JE IÁMU MINTSITA JINGONI ÁNCHIKUARHIKUNI JEOBANI, MÓKUANTA JE ARINI KURHAMARHIKUECHANI:
¿Andisï Jasoni no jiókuarhipi sentabuni?
¿Nénachi uaa úni ambe enga uandajka Kolosasi 3:23?
¿Néna jarhuataspi Thomasini ambe enga Jasoni úpka?
Méntkisï kuenta ú je Tata Diosï Jeobani engajtsï erakuni uékani jauaka ambe ma ka ambe engajtsï uaaka.
¿Nénachi uaa úni ambe enga uandajka Mateu 6:22?