KRISTIANUECHERI IREKUA
¿Ambechi uaa jorhenguarhini Samueliri ambe?
Samueli no méni jurajkuspti Tata Diosï Jeobani. Enga sapichuepka, no májkueni ambe úspti eska Elí uájpeecha, Ofní ka Fineási, engaksï kánikua no sési jásï ambe ueenga (1Sa 2:22-26). Samueli seguirixapti tʼarhexeni ka Tata Diosï Jeoba méntkisï jarhuatasïreendi (1Sa 3:19). Ka enga jatiripkia, seguirispti kurhajchani Tata Diosï Jeobani nájkirukaksï imeeri uájpeecha no májkueni úpka (1Sa 8:1-5).
¿Ambejtsïni jorhendasïni Samueliri ejemplu? Tumbiichaksï uaati seguru jarhani eska Tata Diosï Jeoba kurhangukuasïnga ambe engaksï nitamakuarhini jaka ka eska míteska na engaksï pʼikuarherajka. Ima jarhuatauati paraksï balori jukani (Is 41:10, 13). Taaticha engaksï kánguarhiajka uájpeechani engaksï jurajkuka Tata Diosï Jeobani, uaatiksï sési pʼikuarherantani engaksï exeska eska Samueli no afuersa úspka eskaksï uájpeecha kurhajchaapiringa Tata Diosïri juramukuechani. Samueli Tata Diosï Jeobani jurajkukuspti iámindu ambe, no méni jurajkuspti ka úspti eska imeeri Taati auandarhu anapu sési pʼikuarherapiringa. Jamberi taaticheri ambakiti ejemplu, uaati eskaksï imeecheri uájpeecha andarhientaaka Tata Diosï Jeobani.
ENGAJTSÏ EXEAKIA BIDEUNI JU JE JORHENGUARHINI IMECHERI AMBE: SAMUELI, MÓKUANTA JE ARINI KURHAMARHIKUECHANI:
Enga Samueli sapichuepka, ¿néna xarhataspi eska balori jukaspka?
¿Néna xarhataspi Danny eska balori jukaspka?
¿Náki ambakiti ejemplu íntspiski Samueli enga na jatiripkia?
Tata Diosï Jeoba jarhuataasïndi imeechani engaksï no jurajkujka imani ambe úni enga sési jaka.
¿Náki ambakiti ejempluksï íntspiski Dannyri taati jémbeecha?