¿Neeskiksï chaari amiguecha internetirhu?

Amigu ma jindeesti nema enga sési pájperajka máteru nema jingoni ka enga xénchajka. Dabidi ka Jonatáni amiguksï úkuarhispti ísï tátsekua enga Dabidi uándikupka Goliatini (1Sa 18:1). Tsimarhanksï niáraspti kánikua sési pájperani jimbokaksï ambakiti ambe exetsperaspka. Ísï jimbo, para ma niárani ambakiti amiguni ma jatsini, jatsisti para sési míteni máteru kʼuiripuni ka para ísï úni uétarhisïndi tiempu ka eska ma jánguarhintaaka. Joperu redesi sosialicharhu ma sóntku úsïndi “amiguechani” jatsiani. Internetirhu kʼuiripuechaksï úsïndi jískani né engaksï meru jindeeka, jimbokaksï no iámindu ambe aianguasïnga máteruechani. Ísï jimbo, sési jarhasti eratsentani neechantsï jiókuarhiaua komueska chaari amiguechani internetirhu. Asï no sési pʼikuarhera je engajtsï no jiókuarhiska nemani engajtsï no míteka eratseparini eska ima no sési pʼikuarheraaka. Jimboka uánikua peligruecha jarhaska, uánikuechaksï no ma redi sosiali úrasïndi. Peru engajtsï chá úrajka redi sosiali ma, ¿ambejtsï jatsiski para míteni?

ENGAJTSÏ EXEAKIA BIDEUNI MÍMIXEKUA JINGONI ÚRAA REDESI SOSIALICHANI, MÓKUANTA JE ARINI KURHAMARHIKUECHANI:

• 

  ¿Ambejtsï jatsiski para míteni ante dejtsï karani ambe ma ka fotuechani karhataani?

• 

  ¿Andisïjtsï jatsi para sési erakuani chaari amiguechani internetirhu?

• 

  ¿Andisïjtsï jatsi para exeni na engajtsï xáni tiempu úraaka redesi sosialicharhu? (Ef 5:15, 16).