Prekursori úkuarhi je

Eratsetini jarhani ambe engachi uaaka úni parachi marhuakuni Tata Diosïni jarhuataatijtsïni sánderu sési úrani juchaari uinhapikuani ka tiempuni iásï enga axuterku jakaia para kʼamarani parhakpini (1Ko 9:26; Ef 5:15, 16). Familieri jorhenguarhikua jimbo, ¿andijtsïsï no uandajki ambe engajtsï uaaka úni enga ueenakia jimbanhi uéxurhini serbisiueri? Ini Programarhu para tánguarhikua exentaakajtsï uánikua jorhenguarhikuechani engaksï uandajka máru amberi engajtsï uaaka úni ka ante dejtsï exeani uaakajtsï kómarhini Tata Diosï Jeobani (Snt 1:5).

Pori ejemplu, ¿úpirintsï iáminduecha jarhuajperani paraka ma familiarhu anapu uaaka prekursori regulariini? Ka engajtsï uandanhiajka eskajtsï no uaaka andagutani orechani, uandontskuarhi je máru prekursoricha jingoni engaksï májkueni ambe nitamakuarhini jaka eska chá (Pr 15:22). Ka engajtsï familieri jorhenguarhikuani jatsiaka úpiringajtsï kurhamarhini prekursorini ma ambe enga újka para andangutaani orechani ka tátsekuajtsï uaaka orario ma úkuarhini parajtsï exeni néna engajtsï uaaka andangutaani orechani. Ka engajtsï antesi prekursoripka, ¿andijtsïsï no jánguarhintajki ménderu prekursoriini? Jamberijtsï iásï uaakia ísï marhuani.

¿Úpirini ma familiarhu anapu prekursori auksiliariini, ma o uánikua mesicha jimbo? Ka engajtsï nóteru xáni uinhapekia uaakajtsï mándani ratitu aianhpini pauani pauani. Ka engajtsï no újka entre semana uérani aianhpini ánchikuarhita o eskuela jimbo, uaakajtsï prekursori auksiliariini imani mesichani jimbo enga sinko fini de semanechani jatsiauaka o engajtsï bakasionichani jatsiauaka. Kalendariurhu jatsiku je náki mesichantsï jimbo uékasïni prekursoriini ka jatsikukuarhi je orariu ma (Pr 21:5).

ENGAJTSÏ EXEAKIA BIDEUNI ASÏ CHÉ JE, PREKURSORICHA, MÓKUANTA JE ARINI KURHAMARHIKUECHANI:

• ¿Néna kuidariski Tata Diosï Jeoba pirenchi Aamandini? ¿Ambejtsïni jorhendasïni i ambe?