Enga jamberi niáraaka jurhiatikua paraksï uarhiricha tsíntani

Engachi uarhiranchajka nemani, kánikuajtsïni uinhaperantasïndi miántani eska jauaka tsíntskua. Joperu pekadu ka uarhikua ísïistiksï komueska takusï kʼuetsapeti ma engajtsïni irhiritini jaka ka engajtsïni kánikua no sési pʼikuastajka (Is 25:7, 8). Indeni ambe jimbo, “iámu kueraakata májku kʼéri seguirixa[ti] kómu atsïkuarhini ka kánikua no sési pʼikuarherani” (Ro 8:22, TNM). Enga jamberi niáraaka jurhiatikua paraksï uarhiricha tsíntani, ¿ambejtsïni jarhuataa parachi no xáni komu pʼikuarherani jarhani engachi uarhiranchaaka nemani? Tata Diosïri Karakatarhuksï jarhasti máru konsejuecha engajtsïni uaaka jarhuatani.

ENGAJTSÏ EXEAKIA BIDEUNI ENGACHI UARHIRANCHAJKA NEMANI, MÓKUANTA JE ARINI KURHAMARHIKUECHANI:

• ¿Ambeksï úkuarhinchaspi Danielle ka Masahiro ka Yoshimi?

• ¿Náki sinko konsejuecha jarhuataaspi ka néna?

• ¿Néjtsïni uaa sánderu sési pʼikuastantani? (2Ko 1:3, 4).