¿Kʼuetsapiti ambe ánchikuarhini úsïni eskajtsï chá no xáni jukaparhakueuaka?

Kʼéri saserdoti ka imeeri erachiicha nóksï kʼéri ambe exekuarhisïreendi. Ísï jimboksïsï uékapti jarhuajpeni Jerusaléniiri bardani úntani (Ne 3:1).

Máru acheetiicha engaksï kʼéri ambeepka ʻnóksï kaxumbikua xarhatasptiʼ paraksï jarhuajpeni templueri bardani úntani (Ne 3:5; w06-S 1/2 páj. 9 párr. 9).

Máru uarhiitiicha engaksï janhanharhienga Tata Diosïni uinhamuksï ánchikuarhispti nájkiruka inde ánchikuarhita úkua jukapka ka peligru jarhani (Ne 3:12; w19.10 páj. 23 párr. 11).

Kúnguarhikuarhu, uánikua ánchikuarhiteechaksï jarhasti enga uétarhijka eska ma uinhamu ánchikuarhiaka o engaksï máru ísï exeajka eska no jukaparhakua ambeeska. Ménichani, no nema exesïndi né enga újka ini ánchikuarhiteechani (w04-S 1/8 páj. 18 párr. 16).

KURHAMARHIKUARHI JE: “¿Néna pʼikuarherasïni engajtsïni arhijka eskani i járhati ánchikuarhiteechani uáuaka engaksï ístu jarhuajpejka para ‘ambakiti aianhperakuani’ etsakuni?” (1Ko 9:23).