KRISTIANUECHEERI IREKUA
¿Ambejtsï uékaxaki úni jimbanhi uéxurhini serbisiueri?
Eratsentasïngachi ambe engachi xáni uaaka úni, parachi sánderu marhuakuni Tata Diosï Jeobani ka parachi sési pʼikuastani. Kánikuachi jánguarhintasïnga indeni ambe úni jimbokajtsïni jarhuatasïnga ambakiti kristianu máeni (1Ti 4:15). ¿Andichisï jatsipirini para someni exeni ambe engachi uékani jaka úni? Jimboka juchaari tsípikua sóntku mójtakurhisïnga. Jamberichi nóteru uaakia úni ambe ma engachi uékani japka úni. O jamberichi úkia úni ambe ma engachi eratsetini japka ka iásïchi uékani jakaia máteru ambe úni.
Kánikua sési jauati eskachi exeaka ambe engachi uéjka úni ante de ueenani jimbanhi uéxurhini serbisiueri. ¿Uaajtsï iiri ambe uandontskuarheni engajtsï familieri jorhenguarhikuani jatsiaka? Jamberijtsï uaaka uandani ambe engajtsï mándani chá eratsetini jaka úni ka iámu familia jingoni.
¿Ambejtsï eratsetixaki úni parajtsï sánderu sési úni arini ambe ka nénajtsï uaa ísï úni?
Bibliani arhintani, jandiajku jorhenguarhini Biblieri ambe, tánguarhikuecharhu nirani ka komentariini (w02-S 15/6 páj. 15 párr. 14, 15).
Aianhpini (w23.05 páj. 27 párr. 4, 5).
Sési járhati kualidadiichani jatsiani (w22.04 páj. 23 párr. 5, 6).
Máteru ambe engajtsï uaaka úni: