KRISTIANUECHEERI IREKUA
Ju je xarhatani ambakiti uékperakua ísï eska Tata Diosï Jeoba
Tata Diosï Jeoba jindeesti enga sánderu sési xarhatajka ambakiti uékperakua (Sl 103:11). Inde jásï uékperakua no jindeesti ambe ma, enga ma, ma ratujku pʼikuarherajka o enga sóntku kʼamakurhijka. Sánderu sési, arhikuekasïndi kánikua uékpini ka inde jásï uékperakua no méni kʼamakurhisïndi. Tata Diosï Jeoba mámaru ambe úspti para ambakiti uékperakua xarhatakuani israeliteechani. Pori ejemplu, úspti eskaksï nóteru jántspiripiringia Ejiptu ka imani Echeri jimbo paaspti enga Aiakuapka (Sl 105:42-44). Uarhipespti imeeri iretani jimbo ka uánikua xanhari puákuntaspti (Sl 107:19, 20). Engachi exeni jauaka “ambe enga xáni újka Tata Diosï Jeoba imeeri ambakiti uékperakua jimbo”, uékasïngachi májkueni úni eska ima (Sl 107:43).
ENGAJTSÏ EXEAKIA BIDEUNI JU JE JINGONTKU EXENI NA ENGA JEOBA XARHATAJKA AMBAKITI UÉKPERAKUA, MÓKUANTA JE ARINI KURHAMARHIKUECHANI:
¿Ambe ka ambechi uaa úni parachi ambakiti uékperakua xarhatani?
¿Andisï ménichani uétarhijki jurajkuni ambe ma parachi úni ambakiti uékperakua xarhatani?