KRISTIANUECHEERI IREKUA
Eska ambe engachi eratsejka xarhataaka eskachi iámu mintsita jingoni marhuakusïnga Tata Diosïni
Xarhatasïngachi eskachi iámu mintsita jingoni marhuakusïnga Tata Diosïni no solu imani ambe jimbojku engachi újka o uandajka, sino ístu imani ambe jingoni engachi eratsejka (Sl 19:14). Jimbojtsïnisï Biblia arhijti eskachi ʻméntku eratseni jauaka iámindu ambe enga jurhimbikua ambeeka, iámindu indeni ambe enga uétarhijka eskachi uaakaʼ, “iámindu indeni ambe enga sési jaka Tata Diosïni japarini, iámindu indeni ambe enga pímbinhasïika, iámindu indeni ambe enga jarhuajpejka paraksï kʼuiripuecha xénchpeni, iámindu indeni ambe enga sési jaka kʼuiripuechani japarini, iámindu indeni ambe enga ambakiti ambeeka ka iámindu indeni ambe engaksï kʼuiripuecha sési exejka” (Flp 4:8). Ísïisti nóchi méntkisï uaaka kénditaani no sési járhati eratsekuechani, peru engachi jorhenguarhiska pʼíngukuarhini jarhuatatijtsïni parachi no méntku eratseni jarhani indeni ambe, sánderu sési imani ambechi eratseaka enga Tata Diosï Jeoba sési exejka. Engachi jucha kurhajchaska Tata Diosï Jeobani asta imani ambe jingoni engachi eratsejka, sánderu fásiliuati eskachi no niáraka úni imani ambe enga no sési jaka (Mr 7:21-23).
Mándani tekstuecharhu kétsekua kara je ambechi no jatsiski para eratseni: