¿Andisï Tata Diosï no mókuantajki iámindu kómarhikuechani?

Juchari Táti auandarhu anapu, Jeoba, sési pʼikuarherasïndi engachi mintsita jingoni kómarhijka. Joperu Tata Diosï no iámindu kómarhikuechani mókuantaasïndi. ¿Andi? ¿Ambechi jatsiski para miáni engachi kómarhini jámaaka? Exe je ambe enga arhijka Biblia.

Templuru, máru kʼuiripuechaksï arhiantaxati kómarhikuechani librurhu ma jimbo.

“Engajtsï kómarhini jauaka, asï jáma je someni kʼuanhatsentani jarhani májku ambe kómarhini” (Mateu 6:7).

Jeoba no uékasïndi eskachi imani mismu ambe arhiaka engachi kómarhini jauaka ni eskachi librurhu ma uératini arhikuantauaka. Ima uékasïndi eskachi mintsitarhu uératini kómarhiaka. Eranhaska je eskajtsï jatsiska amiguni ma engaksïni pauani pauani imani mismu ambe arhijka. ¡A no eskajtsï no sési pʼikuarherapiringa! Ambakiti amiguechaksï jurhimbitku aianhperasïndi iámindu ambe.

Acheeti ma rifa chʼanaxati eranchiparini.

“Engajtsï kurhakujka, nójtsï intsïnhasïnga, jimbokajtsï kurhajkuarhisïnga no para ambakiti ambe úrani” (Santiagu 4:3).

Nóchi jatsiska para erokuarhini eska Tata Diosï mókuantauaka juchari kómarhikuechani engachi imani ambe kurhakuska enga ima no jaiapanhentajka. Eranhaska je eska nema kurhakusïnga Tata Diosïni eska íntskuaka suerti para sentabu andani chʼanakua ma jimbo. ¿Mókuntaa Jeoba indeni kómarhikuani engachi mítetini jaka eska ima no uékasïnga eskachi jukari uékaaka jatsikuarheni ni eskachi jakajkuaka suertini? (Isaías 65:11; Lukasʌ 12:15). Nóchi uáka erokuarhini eska Jeoba mókuantauaka inde járhati kómarhikuechani. Parajtsïni Tata Diosï mókuchintani, jatsiskachi para ísï kómarhini eskajtsïni ima na arhijka Bibliarhu.

Relijioniri orhejtsïkuti ma kómarhijpikuaxati máru soldaduechani.

“Enga nema no uékaska kurhajchani leini, asta imeri kómarhikua ikichakueni jásïisïndi” (Proverbios 28:9).

Bibliaeri jurhiatikuecha jimbo, Tata Diosï no kurhauasïrendi imecheri kómarhikuechani engaksï no kurhajchenga imeri juramukuechani ka iásï májkueni úsïndi (Isaías 1:15, 16; Malaquías 3:6). Engachi uéjka eskajtsïni Tata Diosï mókuchintaaka, jatsiskachi para jánguarhintani ísï irekani eska ima na uéjka. ¿Ka engachi ióntki no sési jásï ambe úkia? ¿Arhikuekasïni eskajtsïni Jeoba no méni kurhajchaaka? Nómbe. Tata Diosïjtsïni puáchentaati engachi mintsita jingoni móantaska ka engachi jánguarhintaska úni ambe enga ima uéjka (Ukuecha 3:19).

Uétarhisïndi “eska ima enga andarhientaaka Diosïni, jakajkuaka eska jarhaska Diosï ka eska ima jindeeska enga premiu íntsaauaka imechani engaksï jirinhantajka imani” (Ebreu 11:6).

Kómarhini no solu jindesti para sési pʼikuarherantani engachi uandanhiata ambe jatsijka. Kómarhikua jimbojtuchi úsïnga kʼéri ambe arhini Tata Diosïni ka xarhatakuni eskachi mintsikasïnga. Disipulu Santiagu uandaspti eska engachi no mintsikaparini kurhajkuarhiska ambe ma, eskachi no erokuarhiaka eskajtsïni Tata Diosï íntskuaka (Santiagu 1:6, 7). Parachi mintsikani Tata Diosïni, jatsiskachi para arhutani tiempu ka jánguarhintani jorhenguarhini Bibliaeri ambe parachi sánderu sési míteni imani. Inde ambejtsïni jarhuataati parachi míteni ambe enga Tata Diosï uéjka ka kómarhini mintsikaparini eskajtsïni kurhajchaaka.