Chájtsï uaaka erakuni néna irekani sánderu orhepani

Ma 3,500 uéxurhinistia enga Tata Diosï Jeoba arhiapka imeechani engaksï kómarhienga ambe engaksï jatsipka para úni paraksï sési irekani sánderu orhepani, arhiaspti: “Jurajkuxaka parajtsï erakuni tsípikuani o uarhikuani, eskaksïni sési nicheaka o no sési. Ka parajtsï irekani jarhani chá ka chaari uájpeecha, jatsiskajtsï para tsípikuani erakuni” (Deuteronomio 30:19).

Engaksï uékapiringa sési irekani sánderu orhepani, ima kʼuiripuechaksï jatsispti para sési ambe erakuni úni. Ka juchajtuchi jatsiska para erakuni ambe engachi uaaka. Bibliajtsïni arhisïndi ambe engachi uaaka úni parachi úni ambakiti irekua ma jatsini: “Xénchaparini Jeobani chaari Tata Diosïni, kurhajchaparini imeeri uandakuani” (Deuteronomio 30:20).

¿NÉNAJTSÏ UAA XÉNCHANI TATA DIOSÏ JEOBANI KA KURHAJCHANI IMEERI UANDAKUANI?

JORHENGUARHI JE AMBE ENGA BIBLIA ARHIJKA. Parajtsï xénchani Tata Diosï Jeobani orhetajtsï jatsiska para míteni ambe enga arhijka Biblia imeeri ambe. Engajtsï ísï úska, exeakajtsï eska ima kánikua xénchpetiska ka eska uékasïnga eskaksïni sési nicheaka. Ístu uékasïndi eskajtsï kómarhiaka jimboka ima uandanhiasïnga chánksïni jimbo (1 Pedru 5:7). Engajtsï chá jánguarhintaska míteni, Biblia aiatspesïndi eskaksïni ima andarhieraaka chánksïni (Santiagu 4:8).

ÍSÏ Ú JE ESKAJTSÏ NA JORHENGUARHIAKA. Parajtsï kurhajchani Tata Diosïni jatsiskajtsï para úni ambe engaksï arhijka imeeri ambakiti konsejuecha engaksï Bibliarhu jaka. Engajtsï ísï uaaka exeakajtsï eska ísïiska ambe enga arhijka Josué 1:8: Sésikeni “nicheati ka mímixekua jingondi jámaaka”.