¡Uaakachi nóteru kurhunhpinia!

Engajtsï no ísï nitamakuarhika, jamberijtsï exeka na engaksï máteruecha no sési kánhajka. Notisiecharhu méminduchi kurhaasïnga eskaksï kʼuiripuecha kurhunhinhasïnga jimbokaksï máteru jásï raseska, máteru paisi anapueni o jimbokaksï máteru jásï relijioni jatsiska. Indeni ambe jimbo, uánikua gobiernuechaksï uaxastaasïndi juramukuechani parakaksï kastigarinhaaka imeechani engaksï kurhunhiajka máteruechani.

Sáno méntkisï enga kʼuiripu ma kurhunhinhajka, inde ambe úsïndi eska ikiakuauaka máteruechani ka eska uékaaka no sési ambe úkuantani. Ka enga ísï úkuarhijka, kurhunhperakua no méni kʼamakurhisïndi.

Jamberijtsï chá mismu ménisï teresmarhunhaka, no sési ambe arhinhani oksïni nema arhini eskaksïni no sési ambe úchiaka. Joperu kurhunhpini, sánderu ambe arhikuekasïndi. Sáno méntkisï, ima enga kurhunhpijka no sési kámpisïndi, no sési ambe niátasïndi, atajpisïndi ka asta ménichani uándikpini.

I rebista uandasïndi eskachi uaaka nóteru kurhunhpinia ka mókuantani jauati arini kurhamarhikuechani:

• ¿Andisï xáni kurhunhperanhajki?

• ¿Ambechi uaa úni parachi nóteru kurhunhpinia?

• ¿Kʼamakurhia ma jurhiani kurhunhperakua?