Jorhenguarhi je jimbanhi ambe

Jiáni engachi estudiarini jarhajka, jamberichi eratsejka: “¿Ambe uékasïni jorhenguarhini?”. Nájkiruka sési jaka erokuarhini ambe ma, kánikua jukaparhakuesti eratsetini jarhani eskajtsïni Tata Diosï Jeoba ístu uaaka jorhendani jimbanhi ambe. ¿Nénachi uaa jorhenguarhini jimbanhi ambe?

Kurhaku je Tata Diosï Jeobani jánhaskakua. Asï konformarikuarhi je imani ambe jingontku engajtsï mítekia (Prov. 3:5, 6). Kurhaku je Tata Diosï Jeobani eskaksïni jarhuataaka exeni imani ambe enga ima uéjka eskajtsï jorhenguarhiaka (Sant. 1:5).

Jurajku je eskaksïni Tata Diosïiri Uandakua mójtakuaka. ‘Tata Diosïiri uandakua tsípiti jarhasti’ (Ebr. 4:12). Méni engachi arhintaaka Bibliani uaakachi jimbanhi ambe jorhenguarhini ka ístujtsïni uaati mámaru jarhuatani. Ka uaakachi ísï úni solu engachi jurajkuska eskajtsïni Tata Diosï arhistachiaka.

Jukaparhara je iámindu ambe engaksïni Tata Diosï Jeoba peerachijka mesarhu. Ambe engajtsïni ima jorhendajka ísïisti komueska “ambakiti tʼirekua ka áspiti” (Is. 25:6). Asï ma ladu peera je indeni ambe enga chá ísï exeaka enajkijtsï no áspumua. Inde ambeksïni no solu marhuachaeti sino ístujtsï áspumuni pakaraaka.