Ju je sési úrani espejuni

Santiagu enga Jesúsiiri chúxapatiipka, uandaspti eska Biblia ísïiska komu espeju ma engajtsïni jarhuatajka exeni na engachi jásï kʼuiripu máeka (Sant. 1:​22-25). ¿Nénachi uaa sési marhuatani indeni espejuni?

Ju je iatsitakuarhu arhintani Tata Diosïiri karakatani. Engachi sóntku eratekuarhiska úpiringachi no jamberi kuenta íntskukuarheni eskachi no káni sési xarharaxaka. Májkueniisti Biblia jingoni, engachi sóntku arhintaska, nóchi jamberi exeaka ambechi jatsiski para sánderu sési úni. Jimbochisï jatsika para iatsitakuarhu arhintani.

Ju je jucha exekuarhini ka no máteruechani. Seguni na engachi peerajka espejuni, úsïngachi exeani máteruechani ka exenchi na engaksï xarharani jaka imeecha. Ka májkueniisti, engachi arhintani jarhajka Bibliani úpiringachi eratseni ambe engaksï máteruecha jatsika para mójtakuni ka no jamberi kuenta íntskukuarheni ambe engachi jucha jatsika para mójtakuni.

Ju je kurhangukuarhini. Engachi espejurhu exekuarhijka ka imani ambejku exeni ambe engachi no tsitijka, úpiringachi no sési pʼikuarherani. Parachi no májkueni úkuarhinchani jiáni engachi Bibliani arhintani jauaka, ju je kurhangukuarhini ka no jukari ambe uékani úni engajtsïni Tata Diosï Jeoba no kurhacheni jaka (Sant. 3:17).