Ju je marhuataani imajeniichani

Publikasioniicharhuksï uánikua imajeniicha uérasïndi parajtsïni jarhuatani no mirikurhini imani ambe enga sánderu jukaparhakueka. ¿Ambechi úpirini úni parajtsïni sánderu marhuacheni?

• Ante dejtsï arhintani artikulu ma, orheta exea je imajeniichani. Jamberijtsï ísï sánderu uékaaka míteni ambe enga uandajka artikulu. Ísï eska kʼuiripu ma na orheta exejka tʼirekuani, ante dejtsï ueenani Biblieri ambe jorhenguarhini, orheta kurhamarhikuarhi je: “¿Ambe exexaki?” (Amós 7:​7, 8).

• Engajtsï arhintani jauaka artikuluni, eratsenta je andisï inde imajeni jaki. Ka enga indeni fotu o imajeni jimbo arhijka ambe ma, arhinta je ambe enga uandajka. Jánguarhinta je kurhanguni ambe enga arhijka artikulu ka ambe enga xarhatajka imajeni ka exe je ambejtsï jorhenguarhisïni.

• Engajtsï na kʼamaraakia arhintani, exea je imajeniichani parajtsï miántani jukaparhakua ambe engajtsï jorhenguarhika. Tátsekua, mínharhi je ka jánguarhinta je eranhaskaani imajeniichani ka miántani ambe engajtsï xáni jorhenguarhika.

• Ambe engajtsï uaaka úni: Exea je imajeniichani engaksï ini rebista jimbo jaka, ka exe je ambe engajtsï xáni miáni jaka.