Listu jatsi je chaari mintsitani

Engachi Bibliani jorhenguarhini jarhajka, uékasïngachi eskajtsïni Tata Diosï Jeobaeri ambe juchaari mintsitarhu niáraaka ka eska mójtakuaka juchaari eratsekuani, na engachi pʼikuarherajka ka ambe engachi tsitijka. Ísï jimbo jatsiskachi para májkueni úni eska Esdrasi, ima “listu jatsisptia imeri mintsitani para arhintani Jeobaeri Leini” (Esd. 7:10). ¿Nénachi uaa májkueni úni eska Esdrasi?

Kómarhi je. Ante de ueenani estudiarini, kurhaku je Tata Diosï Jeobani eskaksïni jarhuataaka kurhanguni ka úni imani ambe engajtsï jorhenguarhiaka (Sal. 119:​18, 34).

Kaxumbitii je. Tata Diosï no mítetaraasïndi jurhimbikua ambe imeechani engaksï kʼéramakuarhijka ka engaksï jandiajku mintsinharhikuarijka (Luk. 10:21). Asï xarhata je eskajtsï jirinhantasïnga informasioni nomasi paraksï máteruecha ísku pakarani. Ka engajtsï estudiariini jauaka ka exentsï eskajtsï jatsiska para mójtakuni máru ambe, kaxumbitii je ka mójtaku je ambe enga xáni uétarhiaka.

Kurhaua je juchaari pirekuechani. Pirekuechaksï úsïndi eska juchaari mintsita listu jauaka para kʼéri ambe arhini Tata Diosïni. Ísï jimbo engachi kurhaaska pirekua ma ante dechi estudiarini, jarhuatatijtsïni parachi sési jorhenguarhini Jeobaeri ambe ka mintsitarhujtsïni niáracheati.