Aianhpi ambe engari jorhenguarhijka

Sésichi pʼikuarherasïnga engachi estudiariijka Bibliani, joperuchi sánderu sési pʼikuarherasïnga engachi aianguajka máteruechani ambakiti ambe engachi jorhenguarhijka Bibliarhu. Proverbios 11:25 uandasïndi: “Ima enga sési pʼikuastantaajka máteruechani sési pʼikuastanhantaati”.

Engachi aianguajka máteruechani ambe engachi jorhenguarhijka, sánderuchi sési kurhanguaka ka nóchi sóntku mirikurhiaka. Ístuchi tsípini pʼikuarheraaka jimboka ambe engachi jucha jorhenguarhika, uaati eskaksï imeechajtu sánderu mintsikaaka Tata Diosïni (Úku. 20:35).

Uaakari ini ambe úni: Ari semana enga jurhani jaka, jánguarhinta aianguni nemani ambe engari jorhenguarhikia. Uaati jindeeti chiiti familiari ma, erachi o pirenchi ma, nema jingoni engari ánchikuarhijka o eskuelarhu anapu kompanieru ma, besinu ma o náki uéjki kʼuiripuni. Jánguarhinta ísï uandani eskari tʼu na uandapiringa ka eska uaaka kurhangukuarhini.

Miá: Aianguasïngachi máteruechani ambe engachi jorhenguarhijka parachi uinhaperaantani ka no parajtsïni kʼéri ambe exeni (1 Kor. 8:1).