Ju je respetu xarhatakuani máteruechani

1. ¿Andisï xáni jukaparhakue eskachi respetarinhaaka? (Proverbios 22:1).

¿A NO eskachi iáminduecha sési pʼikuarherasïnga engachi respetu jingoni kánhajka? Meru uétarhisïndi eskachi iáminduecha respetarinhaaka. Jimbosï Biblia uandajti eska sánderu sésiiska eska ma janhanharhinhaaka ka eska oru ka plata jatsini (arhinta je Proverbios 22:1).

2, 3. ¿Andisï ménisï úkua jukajki respetariuani máteruechani ka ambechi exeni jaua ini artikulu jimbo?

² Ménisï úkua jukasïndi respetariauani máteruechani jimbokachi imperfektueska ka jimbokachi irekaxaka imani tiempu jimbo enga nóteru jakaia respetu. Joperu juchachi uékasïnga respetarpini jimbokajtsïni Tata Diosï Jeoba juramuchisïnga eskachi jatsiska para janhanharhiani “iámindu jásï kʼuiripuechani” (1 Ped. 2:17).

³ Ini artikulu jimbochi exeaka ambe enga arhikuekajka respetariuani máteruechani ka néna xarhatakuani ini kualidadini 1) familiarhu anapuechani, 2) erachiichani ka 3) imeechani engaksï no Testigueka. Ístuchi exeni jauaka néna xarhatakuani respetu máteruechani nájkiruka úkua jukaaka.

¿AMBE ARHIKUEKASÏNI RESPETARIUANI MÁTERUECHANI?

4. ¿Ambe arhikuekasïni respetariuani máteruechani?

⁴ ¿Para chá ambeeska respetu? Engachi kʼéri ambe exeajka máteruechani, jukaparharaani ka sési kaani, xarhatakuanchi jarhasïnga respetu. Ka ísïchi úsïnga jimbokachi exesïnga eskaksï ima kʼuiripuecha sési járhati kualidadiichani jatsiaska, eskaksï juramukua jatsiska o jimbokaksï ambakiti ambe úsïnga. Ka jánguarhintasïngachi mintsita jingoni respetariini kʼuiripuni ma (Mat. 15:8).

5. ¿Ambejtsïni jarhuataa parachi respetariuani máteruechani?

⁵ Tata Diosï Jeoba uékasïndi eskachi respetariuauaka máteruechani. Pori ejemplu, juramutiichani (Rom. 13:​1, 7). Joperu jamberiksï máru uandaati “Ji imantkusïni respetariuaka enga sési ambe újka”. ¿Joperu sési jarhaski ísï eratseni? Nómbe, Tata Diosï Jeobaeri marhuariichachi kurhangusïnga eskachi jatsiska para respetariuani máteruechani jimbokachi xénchasïnga Tata Diosï Jeobani ka uékasïngachi jaiapanherantani ka no jimboka kʼuiripu ma sési ambe úsïnga o nómbe (Jos. 4:14; 1 Ped. 3:15).

6. ¿Uaachi respetariini imani engajtsïni no respetu jingoni kámaaka? (Ístu exe je imajenini).

⁶ Jamberichi úpiringa uandani: “¿Uaa respetariini imani engareni no respetu jingoni kámaaka?”. Jo. Ju je eratseantani arini ejempluechani. Rei Saúli kʼuratsekua jingoni pakataspti uájpa Jonatánini máteru kʼuiripuechani japarini (1 Sam. 20:​30-34). Ka nájkiruka ísï kámapka, Jonatáni seguiriispti respetariini taati jémbani ka jarhuataspti uarhipeni astaka uarhipka (Éx. 20:12; 2 Sam. 1:23). Kʼéri saserdoti Elí ísku jatini arhispti Anani eska kauirixapka (1 Sam. 1:​12-14). Joperu Ana respetu jingoni mókukuspti nájkiruka iámu Israeli mítepka eska Elí no xukaasïreenga uájpeechani, ima jatsispti para ísï úni jimboka taati jémbeespka ka kʼéri saserdoti (1 Sam. 1:​15-18; 2:​22-24). Ka máru Atenasi anapu acheetiichaksï no sési arhispti Pabluni, arhisptiksï eska ísku apari máespka (Úku. 17:18). Joperu ima seguiriispti respetu jingoni uandontskuarhekuani (Úku. 17:22). I ejempluechajtsïni xarhatachesïndi eska nájkiruka úkua jukaaka respetariuani máteruechani uaakachi ísï úni jimbokachi kánikua xénchasïnga Tata Diosï Jeobani ka uékasïngachi sési pʼikuastani. Iásï, ju je exeni neechanchi jatsiski para respetariuani ka andi.

RESPETARISÏNGACHI JUCHAARI FAMILIANI

7. ¿Andisï úkua jukajki respetariini juchaari familiani?

⁷ ¿Andisï úkua jukajki respetariini familiani? Uánikua ambe jimbo. Sáno méntkisïchi imeecha jingoni jarhasïnga jimbochisï sési mítejka na engaksï jásïika ka ambe engaksï no sési újka. Ístuchi jatsika familiarini ma enga pʼamenchani jaka ka úkua jukani kuidariini. Jamberi familiarhu anapu májtsïni imani ambe úchiti o arhini engajtsïni no sési pʼikuastaka. O familiarhu anapu ma no sáni respetariuajti máteruechani ka méntkuksï arhirperani jarhani ka jimbosï no jarhajti pínandikua. Ju je terukutantani familiani kuerpu jingoni. Enga nema pʼamenchani jarhajka, kuerpu no sési jarhasïndi. Májkueni, engaksï familiarhu anapuecha no respetarperaaka, nóksï uaati sési pájperani. Joperu ísï eskachi ja újka tsinakuarhini, ístuchi uaaka jorhenguarhini respetarperani.

8. ¿Andichisï jatsi para respetu xarhatani familiarhu? (1 Timoteu 5:​4, 8).

⁸ (Arhinta 1 Timoteu 5:​4, 8). ¿Andisï uétarhijki xarhatani respetu? Enga Pablu primera kartani karakupka Timoteuni, uandaspti ambe engaksï jatsika para úni familiarhu anapuecha paraksï kuidarperani. Ístu uandaspti eskachi jatsiska para respetariini familiani jimbokachi xénchasïnga Tata Diosï Jeobani ka jimbokachi ísï kʼéri ambe arhini jarhasïnga ka no solu jimbokachi jatsiska para ísï úni. Tata Diosï jindeesti enga úka eska jauaka familia ma (Éfes. 3:​14, 15). Ísï jimbo, engachi respetariuajka familiarhu anapuechani, Tata Diosï Jeobanchisï respetariini jarhajka. ¿A no eska kánikua jukaparhakueska xarhatani respetu?

9. ¿Nénaksï uaa témba ka uámba respetu jingoni kámberani? (Ístu exea je imajeniichani).

⁹ ¿Néna xarhatatspeni respetu? Acheeti ma enga respetarijka témbani, xarhatakusïndi eska xénchasïnga engaksï tsimarhantku jarhajka o engaksï uánikuecha jánhajka (Prov. 31:28; 1 Ped. 3:7). No méni atasïndi ni no sési pʼikuastani ni arhini eska no ma ambe marhuasïnga. Argentina anapu erachi ma enga Ariela arhinhajka, uandantasïndi: “Juchiiti uarhiiti pʼamenchaxati ka ménisïrini imani ambe arhisïndi engareni no sési pʼikuastajka. Joperuni miásïnga eska no uékaparini ísï uandasïnga. Ístuni miásïnga ambe enga arhijka 1 Korintu 13:​5, ka inde amberini jarhuatasïndi parani respetu jingoni uandontskuarhekuni ka no ikiatku” (Prov. 19:11). Ka uarhiiti ma enga respetarijka uámbani, ístu sési uandasïndi imeeri ambe (Éfes. 5:33). Ka no úraasïndi uandakuechani enga no sési pʼikuastaaka, teresmarhuni ni uinhamarhikuni jimboka kurhangusïnga eska inde ambe no sési jarhaska (Prov. 14:1). Italia anapu pirenchi ma uandantasïndi eska imeeri uámba iámindu ambe jimbo uandanhiasïnga. Pirenchi uandasïndi: “Ióntki, na engani arhienga ka na engani ninharhikuenga, xarhatasïreenga eskani no sáni respetarisïreenga. Joperu imani kʼuiripuecha jingoni kúnguarhini engaksï respetu jingoni uandajpaajka máteruechani, jarhuatasïndireni respetu jingoni kámani juchiiti acheetini”.

10. ¿Nénaksï uaa xarhatani tumbiicha eskaksï respetariuasïnga taati jémbeechani?

¹⁰ Tumbiicha, kurhajchaa je chaari taatiichani ka respetu jingoni uandontskuarhekua je (Éx. 21:17; Éfes. 6:​1-3). Engaksï chaari taatiicha na sánderu kʼériini jauakia, jamberiksï uétarhinchaati eskajtsï kuidariuauaka, ísï jimbo, jánguarhi je ísï úni. Ju je exeni ambe enga nitamakuarhipka pirenchi ma enga María arhinhajka. Enga taati jémba enga no Testigueka pʼamenchapka, ima ueenaspti kuidariini. Joperu kánikua úkua jukaspti jimboka taati jémba no káni sési kámasïreenga. María uandantasïndi: “Kurhakusïreenga Tata Diosï Jeobani eskarini jarhuatapiringa respetariini taatini ka xarhatakuni. Ji uandasïreenga: ʻTata Diosï Jeobarenisï kurhachejti eskani respetariuaka taatini ka imarini íntskuati uinhapikua parani ísï úni’. Tiempu jingoni, kurhanguspka eskani jatsispka parani respetariini taatini nájkirukarini ima seguiriipiringa májkueni kámani”. Engachi respetariuajka juchaari familiarhu anapuechani nájkiruka úkua jukaaka, Tata Diosï Jeobanchisï respetarini jarhajka jimboka ima úska familiani.

JU JE RESPETARIUANI ERACHIICHANI

11. ¿Andisï ménisï úpirini úkua jukani respetu jingoni kaani erachiichani?

¹¹ ¿Andisï úkua jukajki respetariuani erachiichani? Jimbokajtsïni ménisï niárasïnga no sési kámani, no sési úchini ojtsïni ikiatani nájkirukaksï jánguarhintajka ísï úni eska Biblia na uandajka. Ka engajtsïni nema no sési pʼikuastajka úkua jukasïndi seguiriini jarhani respetariini (Kol. 3:13). ¿Joperu ambejtsïni jarhuataa?

12. ¿Andisï jukaparhakue respetariuani juchaari erachiichani? (2 Pedru 2:​9-12).

¹² (Arhinta je 2 Pedru 2:​9-12). ¿Andisï uétarhijki xarhatani respetu? Enga Pedru karapka segundu kartani, uandaspti eskaksï máru kristianuecha no sáni respetu jingoni uandaxapka orhejtsïkutiicheeri ambe. ¿Ambeksï úspi ánjeliicha engaksï indeni ambe exepka? Pedru uandasïndi eskaksï no ma ambe uandaspka ima achamasïcheeri engaksï no sáni respetarpienga ka kʼéramakuarhini jimbokaksï ánjeliicha respetarisïnga Tata Diosï Jeobani. Ískujtsïni pakatasïndi inde ánjeliicha na engaksï jámapka jimbokaksï jurajkuspka eska Tata Diosï jusgariuapiringa ka jurhimberaantani imani achamasïichani (Rom. 14:​10-12; terukutanta je Judasï 9 jingoni). Uánikua ambechi uaaka jorhenguarhini ánjeliicheeri ambe. Engachi respetarijka kʼuiripuni ma engajtsïni no sési kámajka, jatsipiringachi para respetariuani juchaari erachiichani ¿no ísïiski? Ísï jimbo, juchachisï jatsika para ueenani respetarpini ka ísïchi xarhatani jauaka eskachi respetarisïnga Tata Diosï Jeobani (Rom. 12:10).

13, 14. ¿Nénachi uaa xarhatani úkuecha jingoni eskachi respetariuasïnga erachiichani? (Ístu exea je imajeniichani).

¹³ ¿Nénachi jatsiski para xarhatani respetu? Orhejtsïkutiicha, xénchperakua jingoni jorhentpi je (Filem. 8, 9). Ka engajtsï uékaaka konseju ma íntskuni nemani, asï jáma je ikiatku ísï úni, sino uékperakua jingoni. Ka chá pirenchiicha, jánguarhinta je no jámani uandatspini ni chkuanderakua ambe uandani máteruecheeri, ka ísïjtsï jarhuajpeaka eska kúnguarhikuarhu jauaka respetu (Titu 2:​3-5). Ka iáminduechachi uaaka xarhatani eskachi respetariuasïnga orhejtsïkutiichani. ¿Néna? Engachi jarhuatauaka ka engachi arhiaska na engachi xáni agradesidu jaka jimbokaksï orhejtsïkuasïnga tánguarhikuechani, aianhpikuani ka ístu jimbokaksï jarhuataasïnga imeechani engaksï no sési ambe niátajka (Gal. 6:1; 1 Tim. 5:17).

¹⁴ Pirenchi ma enga Rocío arhinhajka, úkua jukanchasïreendi respetariini orhejtsïkutini ma enga konseju ma íntskupka, ima uandantasïndi: “Ísï pʼikuarheraspka enajkirini no sáni uékperakua xarhatachepi. Juchiiniu, no sési ambe uandasïreenga imeeri ambe. Ískusïni arhipka eskani ísï úpiringa eskarini na arhini japka, joperuni eratsespka sini merurini marhuachepirini ima konseju”. ¿Ambe jarhuataspi pirenchini ménderueni eratseni? Ima uandantasïndi: “Arhintaspka 1 Tesalónika 5:​12, 13 ka exespka eskani no respetariixapka erachini ka konsiensiarini ueenaspti no sési pʼikuastani. Kómarhispka Tata Diosïni ka jirinhantaspka informasioni máru publikasionicharhu engareni jarhuatapiringa nóteru ísï eratsenia, ka tátsekua kurhanguspka eska no erachisï kulpa jatsipka sino jísïni kʼéramakuarhienga. Ka ístuni kurhanguska eskani jatsiska parani kaxumbitiini engani uéjka respetariuani máteruechani. Jatsiska parani seguiriini jánguarhintani ka sési pʼikuarherasïnga jimboka Tata Diosï Jeoba exexaka eskani ísï úxaka”.

RESPETARIUA JE IMEECHANI ENGAKSÏ NO TESTIGUEKA

15. ¿Andisï ménisï úpirini úkua jukani respetu jingoni kaani imeechani engaksï no Testigueka?

¹⁵ ¿Andisï úkua jukajki respetariuani no Testiguechani? Jimbokachi aianhpikuarhu exeantasïnga kʼuiripuechani engaksï no sáni uéjka míteni Tata Diosïiri ambe ni Biblieri ambe (Éfes. 4:18). Máruksï no uékasïndi kurhaani ambe engachi aianhpijka jimbokaksï desde sapichutini máteru ambe jorhendanhaska. Ka máru juchaari patroniicha o maestruecha, no sésijtsïni kámasïndi ka nóksï méni konformi jarhasïndi juchaari ánchikuarhita jingoni. Ini ambe jimbo, jamberichi sánhani arhiaka nóteru respetariuania ka úkua jukani ísï kaani eskachi jucha na uékapiringa eskajtsïni kámapiringa.

16. ¿Andisï jukaparhakue eskachi respetariuauaka imeechani engaksï nótki marhuakuni jaka Tata Diosï Jeobani? (1 Pedru 2:12; 3:15).

¹⁶ ¿Andisï uétarhijki xarhatatspeni respetu? Ju je miáni eska Tata Diosï Jeoba exeni jarhasïnga na engachi kaajka imeechani engaksï no Testigueka. Apostoli Pedru miátaantaspti kristianuechani eska imeecheeri ambakiti jángua jimbo máru kʼuiripuechaksï niárapiringa kʼéri ambe arhini Tata Diosïni. Jimbosï arhiapti eskaksï “iatsitakuarhu ka kánikua janhanharhikua jingoni” aianguapiringa kʼuiripuechani ambe engaksï jakajkujka (arhinta je 1 Pedru 2:12; 3:15). Ka engaksï juesiicha jingoni pánhapiringa o máteru kʼuiripuecha jingoni paraksï kuájpini ambe engaksï jakajkuenga, méntkisïksï jatsispti para respetu jingoni uandani enajki Tata Diosï imeecha jingoni japirini. Ka jatsisptiksï para ísï úni jimboka Tata Diosï Jeoba iámu ambe kurhaasïnga ka exeni. Jiájkani, jatsiskachi para respetariuani imeechani engaksï no Testigueka.

17. ¿Nénachi xarhatakuasïni respetu imeechani engaksï no Testigueka?

¹⁷ ¿Néna xarhatatspeni respetu? Aianhpikuarhu, nóchi uékasïnga ísï pʼikuastaani imeechani engaksï sántku míteka Biblieri ambe eskaksï no jukaparhakueska. Tata Diosï Jeoba kánikua jukaparharaasïndi ka ístu jucha (Ageo 2:7; Filip. 2:3). Ka engajtsïni nema no sési arhiaka imani ambe jimbo engachi jakajkujka, ju je no májkueni kámani ni arhini ambe ma enga ísï pʼikuastaaka eska tontueska (1 Ped. 2:23). Ka engachi uandaaka ambe ma engachi no jatsika para uandani, ju je jirejiresï arhini eskajtsïni tekaachintaaka. ¿Ka nénachi uaa xarhatani respetu ánchikuarhitarhu? Engachi jánguarhintaska sóntku úni ambe ka ambakiti ambe exekuani juchaari kompanieruechani o patroniichani (Titu 2:​9, 10). Ístu jukaparhakuesti eskachi no ma ambe jámaaka sïpani ka eskachi tsitiaka ánchikuarhini. Ka nájkirukachi no uaaka jaiapanheraantani kʼuiripuechani, Tata Diosï Jeobani kʼóru jo (Kol. 3:​22, 23).

18. ¿Andisï jukaparhakue respetu jingoni kaani máteruechani?

¹⁸ Uánikua ambe jarhasti engachi jimbo jatsika para respetariuani máteruechani. Engachi respetariuaska juchaari familiarhu anapuechani, Tata Diosï Jeobanchisï respetarini jauaka, imani enga kueraaka familiani. Ka engachi respetariuaska juchaari erachiichani, respetariinchi jauaka juchaari Taati auandarhu anapuni. Ka engachi respetariuaska imeechani engaksï no Testigueka, jarhuataanchi jauaka paraksï imajtu niárani kʼéri ambe arhini ka janhanharhini Tata Diosïni. Ka asta imeechani engajtsïni no respetu jingoni kámajka jatsiskachi para respetariuani jimbokajtsïni Tata Diosï Jeoba újchakuraaka indeni ambe jimbo. Imajtsïni aiachisïndi: “Uaaka eska kʼéri ambe exenhaaka ima engareni kʼéri ambe exejka” (1 Sam. 2:30).