Ambe enga kurhanguarhijka ima enga arhintajka
Ima enga karaka Proverbios 30:18, 19, uandaspti: “Ambe enga újka tumbi ma paraka uátsï ma xénchaaka”, ¿ambe arhikuekaxapi?
Uánikua kʼuiripuecha asta imeecha jamberi engaksï mítekuka Biblieri ambe niárasptiksï kurhamarhikuarhini ambe arhikuekaxapi ima enga karaapka ini uandakuechani. Traducción del Nuevo Mundo arhisïndi: “Jarhasti tanimu ambe engani ji meru no újka kurhanguni, tʼámu ambe engani no kurhangujka: na enga karajka águila ma auandarhisï, na enga nirajka akuitsi ma tsakapurhisï, na enga nirajka barku ma marirhisï ka ambe enga újka tumbi ma paraka uátsï ma xénchaaka” (Prov. 30:18, 19).
Ióntki, uandasïreengachi eska ari uandakuecha “ambe enga újka tumbi ma paraka uátsï ma xénchaaka” no sési ambe arhikuekasïreenga. Ka ísïchi eratsesïreenga jimboka ambe enga uandajka máru bersikulu antesi ka ísï tátsekua, imeeri ambe uandaxati enga nema no méni konformi jarhajka o enga no méni uandajka “xántkia” (Prov. 30:15, 16). Ka bersikulu 20 jimbo, uarhiiti ísku jándiiri ma uandasïndi enga uandajka eska no ma ambe no sési úska. Jiájkani, ísï eska águila ma na iótakuarhisï karajka, akuitsi ma tsakapurhisï jámani ka barku ma iauanisï nirani marirhisï, acheeti májtu úsïndi úni ambe ma ka no nema míteni. Ísï jimbo, eratsesïreengachi eska ari uandakuecha “ambe enga újka tumbi ma paraka uátsï ma xénchaaka” arhikuekasïreenga tumbini ma enga tontu újka uátsïni ma para úni eska xénchaaka.
Joperu jarhasti máru ambe engajtsïni jarhuatajka kurhanguni eska inde uandakuecha no no sési ambe arhikuekasïnga. Sánderu sési, ima enga indeni bersikuluechani karaapka, arhikuekaxapti eska jarhaspka máru ambe enga ísku pakateenga jimboka jukari sési jásï ambeeska.
Diksionariu ma engajtsïni jarhuatajka kurhanguni Karakatani enga Ebreu jimbo jaka, uandasïndi eska ari traduksioni “engani ji meru no újka kurhanguni” xarhatasïnga eska kʼuiripu ma “kánikua kʼéri” o “iatiru sési jásï” exesïnga ambe ma o eska “meru no méni uaaka kurhanguni” na enga úkuarhijka ambe ma.
Crawford Howell Toy enga Harvard (Estados Unidos) jorhentpijka, ístu uandasïndi eska no no sési ambe arhikuekasïnga inde karakata. Crawford uandasïndi eska ima enga karaka ini bersikuluni xarhataxapka na enga xáni kʼéri ambe exeenga indeni ambe.
Iásï engachi sési kurhangukia Proverbios 30:18, 19, jarhasti uánikua ambe engajtsïni ísku pakatajka ka engachi no méni uaaka kurhanguni. Májkueni eska imani enga karaapka indeni karakateechani, juchajtuchi ísku pakarasïnga engachi exejka na enga karajka águila ma, na enga nirajka akuitsi ma tsakapuecharhisï nájkiruka no jukaaka jantsiriichani, na enga nirajka marirhisï barku ma nájkiruka kʼéka ka kʼuetsapeni, ka na enga tumbi ka uátsï ma niárajka xénchperani ka tsípikua jingoni irekani.