¿Miásïntsï?
¿Arhiantaskijtsï últimu rebistechani Aianhpiri? Exe je sintsï uaa mókuantani arini kurhamarhikuechani:
¿Andichisï k’eri ambe arhijki Tata Diosï Jeobani?
Jimbokachi mintsita jingoni respetariisïnga, jimbokachi iámu mintsita jingoni xénchasïnga. Ka ístuchi k’éri ambe arhisïnga Tata Diosï Jeobani jimbokachi uékasïnga eskaksï kʼuiripuecha míteaka (w25.01, pájina 3).
Engajtsïni nema no sési pʼikuastajka, ¿ambejtsïni jarhuataa puákuntani?
Engachi uandantajka na engachi p’ikuarherajka ka puátspentani ka no jatanhetspini, jarhuatasïndijtsïni parachi nóteru ikiani jarhania (w25.02, pájina 15 ka 16).
¿Andisï Markusï ambakiti ejemplu máe para tumbiicha?
Markusï uékasïreendi marhuakuani máteruechani. Jamberi ima kánikua no sési pʼikuarherani japti ka kulpabli imani ambe jimbo enga nitamakuarhipka, joperu ima no no sési pʼikuarheraspti o chkéni. Jánguarhintaspti sési pájperani apostoli Pablu jingoni ka ístu máteru kristianuecha jingoni (w25.04, pájina 27).
¿Ambe arhikuekaxapi Jesúsi enga ísï kómarhipka Tata Diosï Jeobani “Ji aianguaskia na engari arhinhajka”? (Juanu 17:26).
Imeeri chúxapatiichaksï mítesptia eska Tata Diosï arhinhasïnga Jeoba. Ísï jimbo, arhikuekaxapti eska aianguasïreenga kʼuiripuechani na enga jásïika Tata Diosï Jeoba, ambe enga eratsetini jaka úni, ambe enga újka ka na enga járhati kualidadiichani jatsiaka (w25.05, pájina 20 ka 21).
Kurhangusïngachi eskachi no iámindu ambe míteska
Kurhangusïngachi eskachi no iámindu ambe míteska. Pori ejemplu, nóchi míteska néna ka káni kʼamajkua Tata Jeoba parhakpini anapu ambe. Nóchi míteska ambechi úkuarhinchaa pauani o sánderu tátsekua, níjtuchi újki kurhanguni na engajtsïni xáni sési míteka Tata Jeoba (w25.06, pájina 14 a 18).
¿Nénachi uaa sési úrani artikulu ma o diskursu ma?
Ju je kurhamarhikuarhini: “¿Náki pruebeechanksï úraaxaki paraka kʼuiripu jakajkuaka eska ísïiska? ¿Úraxaki ejemplu ma engani jíjtuni uaaka úrani engani jorhentpini jauaka ini ambe? ¿Néni úpirini aianguni ini ambe?” (w25.07, pájina 19).
Na enga kámapka Tata Jeoba rei Dabidini, ¿ambechi jorhenguarhisïni na enga puátspentajka ima?
Dabidi kánikua no sési ambe niátaspti, joperu enga móantapkia, Tata Jeoba puákuntaspti (1 Rey. 9:4, 5). Kánikuachi sési pʼikuarherasïnga míteni eskajtsïni Tata Diosï borrarichesïnga pekaduni engajtsïni puáchentajka ka ísï exesïndi enajkichi no méni no sési ambe niáta (w25.08, pájina 17).
Enga Biblieri jorhenguarhiri ma úkua jukanchani jaka kurhanguni ambe ma, ¿ambechi uaa úni?
Engachi exeaka eska úkua jukanchaxaka jiókuarhini ambe ma enga Biblia jorhentpijka, ju je no afuersa uékani eska jirejiresï mójtakuaka ambe enga eratsejka, sino jurajkuni eska iatsitakuarhu niárakuaka mintsitarhu (w25.09, pájina 24).
¿Ambe arhikuekasïni Biblia enga uandajka paraksïni pekadu no támisï páni? (Ebr. 3:13).
Eska pekadu úsïnga eskachi no sési ambe niátaaka, ka ístu eskachi méntku eratseni jauaka eskajtsïni Tata Jeoba no xénchasïnga (w25.10, pájina 16).
¿Nénachi uaa mintsita jingoni kómarhini Tata Diosïni?
1) Ju je eratsentani na enga jásïika Tata Diosï Jeoba. 2) Ju je eratseni ambejtsïni uandanhiataxaki ka aianguni Jeobani. Pori ejemplu, ¿néni no úxaki puákuntani? 3) Ju je arhutani tiempu para kómarhini. Engachi arhutaaka tiempu, jamberichi sánderu uánikua ambe aiangukuarhiaka (w25.10, pájina 19 ka 20).
¿Nénachi uaa jarhuataani imeechani engaksï kʼériikia?
Someni nirani pʼorhembiani ka uandajpaani. Pámbetaani doktori jingoni o mámaru jarhuataani parakaksï imeecha seguiriini jauaka aianhpini Tata Diosïiri ambe (w25.11, pájina 6 ka 7).
¿Ambe ka ambeksï jatsiski para úni nobiuecha paraka imeecheeri boda kʼéri ambe arhiaka Tata Jeobani?
Ísï úni eskaksï leiicha na uandajka. Jánguarhintani eska bodarhu xarharaaka Tata Jeobaeri espiritu, ka no ambe engaksï parhakpini anapuecha újka. No imani ambe jukani o úni enga ísku pakatauaka máteruechani, níjtu imani pʼindekuechani engaksï no terukuntajka Biblia jingoni ka engaksï bodeeri ambe uékaaka exeni, méntkisï janhanharhikua jingoni uandani ka sési (w25.12, pájina 21 a 24).