¿Ambe uandasïni Biblia engaksï tsimani kʼuiripuecha ísku kúnguarhitini jarhajka?
Ambe enga Biblia uandajka
Biblia jorhentpisïndi eska Tata Diosï no uékasïnga eskachi “ísku jándikua” ambe niátaaka (1 Tesalonika 4:3). Biblia uandasïndi eska “ísku jándikua” ambe niátani, jindeeska enga tembuchati ma apondijka nema jingoni enga no témbeuaka o uámbeeni, enga tataka ma apondijka máteru tataka jingoni o nanaka ma máteru nanaka jingoni ka engaksï tsimani kʼuiripuecha májku apondijka engaksï no tembuperatini jarhajka.
¿Andisï jukaparhakue para Tata Diosï eska tataka ma ka nanaka ma sibilarikuarhiaka?
Tata Diosï uaxastasti temungurhirikuani. Jiáni ísï úspti enga kúndaapka tsimani kʼuiripuechani enga orheta kuerauapka (Génesis 2:22-24). Tata Diosï no uékasïreendi eska tataka ma nanaka ma jingoni májku irekani japiringa ka nóksï iámindu ambe ísï úni jarhani ambe engaksï temungurhiricha jatsika para úni.
Tata Diosï mítesti ambe enga sánderu sésiika para jucha. Ima kueraasti temungurhirikuani paraka tataka ma kúnguarhiaka nanaka ma jingoni para méntkisï ka ísïksï úni jarhuataani ka kuájchakuani iámindu familiarhu anapuechani. Eratsi je arhini ambe: para mueblini ma armarintani, uétarhisïndi ísï úni eska na uandajka ima enga úka. Májkueni, engachi uéjka sési irekani familiarhu, jatsiskachi para ísï úni eskajtsïni na arhijka Tata Diosï. Méntkisïjtsïni sési nicheati engachi ísï úska (Isaías 48:17, 18).
Para mueblini ma armarintani, uétarhisïndi ísï úni eska na uandajka ima enga úka. Engachi uéjka sési irekani familiarhu, jatsiskachi para ísï úni eskajtsïni na arhijka Tata Diosï.
Uandanhiatechanksï jatsiasïndi imeecha engaksï májku apondijka ka nóksï tembuperatini jarhani. Uaati arhi ambe jarhani, embarasada pakarani no uékaparini, pʼamenchakua ambe kérikuarhini ka tátsekua kánikua no sési pʼikuarherani jarhani.
Tata Diosï regalu ma íntsaasti kʼuiripuechani: relasioni seksuali jimbo úni sapiichani kánguarhiani. I ambakiti regalu máesti. Tata Diosï kánikua jukaparharasïndi tsípikuani, jimbosï uéjti eskachi janhanharhiaka ini regaluni ka imani kʼuiripu jingontku úni ini ambe engachi jingoni tembuchatini o uambuchatini jaka. Engachi ísï úska, janhanharhinchi jauaka temungurhirikuani (Ebreu 13:4).
¿Sési jarhaski eska tataka ma nanaka ma jingoni ante deksï tembuperani májku irekani jauakia paraksï exeni sinksï uaa terukutsperani?
Paraka temungurhiri ma sési irekaaka, no uétarhisïndi eskaksï ma tiempu májku irekaaka“paraksï tsʼéjkuni” ka ísïksï úni jurajperani na engaksï jatini uékaaka. Sánderu sési, niárasïndiksï meru sési pájperani engaksï tsimarhani eratsekata jatsijka no méni jurajperani ka engaksï tsimarhani jánguarhintajka sési peuantani uandanhiatechani.a Ka i ambe úsïndi ísï úkuarhini engaksï sési tembuperatini jarhajka (Mateu 19:6).
¿Néna uaa úni temungurhiri ma paraksï no méni jurajperani?
No ma temungurhiri jarhasti engaksï no jatsiajka problemechani. Joperuksï uaati sési irekani engaksï ísï úska eskaksï na uandajka Biblieri konsejuecha. Ju je exeani máru:
Sánderu uandanhia je chaari uarhiti o chaari acheeti jimbo (1 Korintu 7:3-5; Filipusʌ 2:3, 4).
Jánguarhinta je parajtsï pauani pauani sánderu xénchperani ka janhanharperani (Efesu 5:25, 33).
Jorhenguarhi je orheta eratseni ante de uandani (Proverbios 12:18).
Tekaatsperanta je ka sóntku puátsperanta je (Kolosasi 3:13, 14.
a Exe je jorhenguarhikuani “El sentido de compromiso”.