COVID jimbo, 6 miioni k’uiripuechaksï uarhistia | ¿Ambe uandasïni Biblia?

Organización Mundial de la Salud (OMS), uandasïndi eska para 23 de maiu de 2022, ma 6.27 miioni k’uiripuechaksï uarhisptia COVID-19 jimbo. Joperu 5 de maiu 2022 jimbo, OMS uandaspti eskaksï jamberi sánderu uánikuespka engaksï uarhipkia. Uandaspti eska uéxurhini 2020 ka 2021 jimbo, “k’uiripuecha engaksï uarhipka p’amenchakua COVID-19 jimbo ka pandemia jimbo, jamberiksï jindeepti 14.9 miioni”. ¿Uandasïni ambe ma Biblia i xáni no sési jásï ambeeri enga úkuarhini jaka?

Biblia uandasïreendia eskaksï japiringa no sési jásï p’amenchakuecha

•  Jesúsi uandasptia eska “últimu jurhiatikuecha” jimbo, japiringa “no sési jásï p’amenchakua” ambe (2 Timoteo 3:1; Lukasï 21:11, Táta Diósïri Uandakua Tata Jesukristueri Aiatsperakua, [TDU]).

Ambe enga Jesúsi uandapka, úkuarhixatiia ini jurhiatikuecha jimbo. Parajtsï sánderu míteni iiri ambe, exe je jorhenguarhikuani “¿Cuál es la señal de “los últimos días” o “los tiempos finales”?”

Bibliajtsïni sési p’ikuastantasïndi

•  “Ima jindeesti juchaari Taati [...] enga uinhaperpintajka iámindu ambe jimbo. Ima jindeesti engajtsïni uinhaperantajka para iámindu juchaari míkuarhitechani jimbo” (2 Korintu 1:3, 4).

Uánikuecha engaksï uarhiranchakia nemani, ústiksï sési p’ikuarherantani indeni ambe jimbo enga Biblia uandajka. Parajtsï sánderu míteni iiri ambe, exe je jorhenguarhikuani “Ambejtsï uaa úni parajtsï no xáni no sési pʼikuarherani engajtsï uarhiranchaka nemani: Ambe engajtsï uaaka úni” ka “Ambe enga sánderu jarhuatauaka imeechani engaksï uarhiranchaka nemani”.

Bibliajtsïni arhisïndi na enga sési péntanhaaka i ambe

•  “Jaue ixú parhakpinirhu chiiti Juramukua [o Reinu]. Úkuarhie eska t’u na uékajka ixú parhakpinirhu, májku jásï eska na úkuarhijka auandarhu” (Mateu 6:10).

No ióni jimbo, Tata Diosïri Reinu uaati eskaksï úkuarhiaaka i auandakuecha: “No nema enga jima irekaaka uandaati: ‘Pʼamenchaxaka’” (Isaías 33:24; Markusʌ 1:14, 15). Parajtsï sánderu míteni Tata Diosïiri Reinueri ambe ka ambe enga xáni uaaka, exe je bideuni ¿Ambeski Tata Diosïri Reinu?

P’ímarhisïngaksïni parajtsï sánderu jorhenguarhini Biblieri ambe ka ísï, chaari familia jingoni uakaajtsï míteni indeni xáni ambakiti ambe enga Biblia aiatspini jaka.