Kánikua uandanhiakuarhisti na engaksï tumbiicha sánderu pʼamenchakua ambe kámajkia mentirhu | ¿Ambe uandasïni Biblia?

Lunesï 13 de febreru 2023 jimbo, Centros para el Control y la Prevención de Enfermedades (CDC) Estados Unidos anapuecha, petastiksï informi ma enga uandajka na engaksï tumbiicha pʼamenchakua ambe kámajka mentirhu. Informi uandasïndi eskaksï jukari 40% tumbiicha engaksï sekundariarhu jámajka, méntkuksï kómu pʼikuarherani jarhasïnga ka eskaksï nóteru mintsikasïngia eska ambe ma sési niántaaka.

Doktora Kathleen Ethier, enga direktoreeka de la Sección de Salud Escolar y del Adolescente de los CDC, ísï uandasti: “Nájkiruka arini 10 uéxurhini jimbo enga nitamakia, tumbiichaksï sánhani arhini jaka sánderu pʼamenchakua ambe kámani mentirhu, iásïksï uátsïicha sánderu eratsesïndia uándikukuarhini, ka imeecheeri menti iásï sánderu no sési jarhastia eska ióntki”.

Informi ini ambe uandasïndi:

• Kada 10 uátsïicheeri, jukari ma uátsïnksï (14%) niárasïndi fásili exeni. Doktora Ethier uandasti: “Kánikua uandanhiakuarhisti. Kada 10 uátsïicha engajtsï chá míteaka, ma uátsïni, oksï jamberi sánderu uánikuechani niárastiksï biolariuani”.

• Kada tanimu uátsïicheeri (30%) ma uátsï ménisï eratsestia uándikukuarhini.

• Kada 5 uátsïicheeri tanimuksï (57%) méntku kómu pʼikuarherani jarhasïndi ka nóteruksï mintsikasïndia eska ambe ma sési niántaaka.

Xáni no sési ambe enga i informi xarhatajka. Nóchka enga ma tumbiijka, jindeeska tiempu ma para kánikua tsípini ka sési pʼikuarherani. Ísï jimbo, ¿ambe uaa jarhuataani tumbiichani paraksï nóteru xáni uandanhiania ka chéni? ¿Ambe uandasïni Biblia?

Biblia arhiasïndi tumbiichani ambe engaksï uaaka úni

Biblia tʼuini uandasptia na engachi irekuarhini japiringa ini tiempu jimbo, eskachi kánikua úkua jukanchapiringa; uandasïndi: ‘últimu jurhiatikuechani jimbo kánikua no sési jánhaskuarhiati’ ka kánikua úkua jukani (2 Timoteo 3:1-5, TNM). Joperu ístu uandaasïndi konsejuechani engaksï iásï jamberi kánikua marhuajka, ka engaksï uánikua tumbiichani jarhuataani jaka iámu parhakpinirhu. Íksï konsejuecha jarhuataasïndi paraksï úni orhepani uérani nájkirukaksï xáni no sési nitamakuarhini jauaka. Exea je máru artikuluechani engaksï Bibliarhu pʼitakata jaka.

• ¿Qué hago si ya no tengo ganas de vivir?

• ¿Uaarini Biblia jarhuatani engani nóteruni uékajkia irekani ka eratseni jarhani uándikukuarhini?

• ¿Vale la pena vivir?

• ¿Qué hago si estoy deprimido?

• ¿Ambe uá úni parani nóteru eratseni imani ambe engarini no sési pʼikuastajka?

• ¿Cómo puedo dejar de preocuparme por todo?

• ¿Cómo puedo controlar mis emociones?

• Asteru kómu pʼikuarheria (“Dibujuecha engajtsïni jorhendajka”).

• ¿Y si mis compañeros me acosan o se burlan de mí?

• ¿Cómo puedo defenderme del ciberacoso?

• Néna kuájpikuarhini no nemani ataparini (“Dibujuecha engajtsïni jorhendajka”).

• ¿Qué hago si me acosan sexualmente?

• ¿Qué debes saber sobre las agresiones sexuales? Primera parte: Precauciones que deberías tomar

• ¿Qué debes saber sobre las agresiones sexuales? Segunda parte: Cómo puedes recuperarte

Biblia arhiasïndi taatiichani ambeksï uaa úni

Biblia ístu arhiasïndi taatiichani nénaksï uaa jarhuataani uájpeechani paraksï úni orhepani uérani engaksï problema ambe jatsiaka. Exea je máru artikuluechani engaksï Bibliarhu pʼitakata jaka.

• Adolescentes con depresión. Causas y ayudas

• Qué hacer si el estrés agobia a su hija

• ¿Ambe uá úni engaksï juchiti sapini eskuela no sési kámajka oksï bullying úkuni?

• Qué hacer si su hija se autolesiona

• Las redes sociales | Parte 1: ¿Deberían mis hijos usar redes sociales?

• Las redes sociales | Parte 2: Enséñele a su hijo adolescente a usar con seguridad las redes sociales

• Los hijos y los teléfonos inteligentes | Parte 1: ¿Debería darle un celular a mi hijo?

• Los hijos y los teléfonos inteligentes | Parte 2: ¿Cómo puedo enseñarle a usar el celular de forma responsable?

• Cómo advertirles sobre el sexteo