¿Andisï no nema újki úni eska jauaka pínandikua? | ¿Ambe uandasïni Biblia?

No ma juramuti o grupu ma enga jaka interu parhakpinirhu úsïndi úni eska jauaka pínandikua. Desde enga segunda guerra mundiali úkuarhika sánderu no sési jánhaskuarhipasti ka iáiasï sánderu uarhiperakua ambe jarhasti, ma dosi mili miioni k’uiripuechaksï jimeesï irekaxati engaksï guerrecha úkuarhini jaka.

¿Andiksïsï kʼuiripuecha no újki úni eska jauaka pínandikua?. ¿Ambe uandasïni Biblia?

Tanimu ambe engaksï jimbo kʼuiripuecha no újka úni eska jauaka pínandikua

1. 1. Biblia uandasïndi eska ini jurhiatikuecha jimbo xánhaskuarhipiringa “Jimbokaksï kʼuiripuecha jandiajkumindu xénchakuarhiaka, jukariksï tsitiati sentabu, arhikuarhiatiksï, sésiksï xékuarhiati, [...] jurajpinksï jámaati, [...] nóksï nani máru uékaati kurhanguni, [...] nóksï uaati pʼíngukuarhini, no sésiksï jámaati, [...] inchandimeatiksï, kʼéramakuarhiatiksï”. Jimbokaksï ísï jámasïnga i ambe úsïndi eskaksï no sáni jánguarhintaaka para pínandikua jarhani. (2 Timoteu 3:2-4).

2. 2.  Nájkirukaksï kʼuiripuecha uékaaka sési peentani problemeechani nóksï uaati, jimbokaksï no jatsiska Tata Diosï Jeobaeria jarhuajperatani. Biblia arhisïndi “Kʼuiripu enga xanharani jaka ni sikiera sésikua jatsi para exeni nani enga ísï jatsika para xanharani”. (Jeremías 10:23).

3. 3. Parhakpinirhu juramuxati nema enga kánikua no ambakeka ka enga kánikua uinhapitiika ka ístu “enga támisï jánhastaani jaka iámindu imeechani engaksï Echerirhu irekani jaka” I jindeesti Satanási enga no ambakitiika. ka enga jamberi i parhakpini “Noambakitiiri jaki jimbo jarhaska” seguiriini jauatiksï jarhani uarhiperakuecha ka guerrecha. (Apokalipsisi 12:9; 1 Juanu 5:19).

¿Né uaa úni eska jauaka pínandikua?

Bibliajtsïni arhisïndi eska Tata Diosïjkusï uaaka úni eska jauaka pínandikua.

•  “Jimbokani ji sési míteska ambe engani eratseni jaka para chá, ísï uandasïndi Tata Diosï Jeoba. Eratsexaka parajtsï pínandikua jatsini, ka no kómu nitamakua ambe. Parajtsï sánderu orhepani sési irekani ka parajtsï erokuarhikua ma jatsini.” (Jeremías 29:11).

¿Néna kumpliriua Tata Diosï ambe engajtsïni aiachini jaka? Biblia arhisïndi: “No ióni jimbo, Tata Diosï, enga pínandikua íntspijka, juramukuaksïni íntskuati parajtsï puchandurhini Satanásini”. (Roma 16:20) Tata Diosï, juramukua ma úraati enga auandarhu jaka para úni eska pínandikua jauaka Echerirhu. Biblia arhisïndi eska jindeeska “Tata Diosïiri Reinu” ka imeeri Rei Jesukristu (Lukasï 4:43). Jiáni enga Jesúsi juramuaka Echerirhu, k’uiripuechaksï jorhenguarhiati sési kámberani ka ísï jauati pínandikua (isaías 9:6,7).

•  Engajtsï uéjka sánderu míteni arhinta je ini artikuluni “¿Que cosas lograra el Reino de Dios?”