Uánikuechaksï jandiajku pʼikuarherasïndi: ¿nénajtsï uaa orhepani uérakuni?

• “Estados Unidos, sánoksï terujkani kʼuiripuecha engaksï jatiriikia uandasïndiksï eskaksï jandiajku pʼikuarherasïnga. Ka tumbiichaksï útasï sánderu ísï pʼikuarherasïndi” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023).

• “Organización Mundial de la Salud [OMS], uandasïndi eska erakunhaska grupu ma engaksï jánguarhintaaka míteni andiksïsï kʼuiripuecha xáni jandiajku pʼikuarherajki ka engaksï jarhuatauaka paraksï sési pájperakua ma jatsini máteruecha jingoni ka ístu paraksï jarhuataani kʼuiripuechani exentani néna nóteru xáni no sési pʼikuarherania, no arhiparini sinksï jatsikuarheski o nómbe” (OMS, 15 de nobiembri de 2023).

Biblia ambakiti konsejuechani íntspiasïndi engajtsïni jarhuataaka sési pájperani máteruecha jingoni.

Biblieri prinsipiuecha engaksïni uaaka jarhuatani

Jánguarhinta je nóteru únia imani ambe enga uaa eskajtsï ióni tiempu jandiajku jauaka. Komueska kánikua úraani redesi sosialiichani. Sánderu sési, ú je imani ambe engaksïni jarhuataaka máteruecha jingoni jarhani ka untsi jatsiani amiguechani.

• Biblieri konseju: “Ambakiti amigu ma méntkisï uékpisïndi, ka ermanu máesti enga andajpenuka para jiáni enga uandanhiata jauaka” (Proverbios 17:17).

Jánguarhinta je jarhuataani máteruechani. Engachi máteruechani jarhuataajka, no solu uinhaperantasïndi na engachi pájperajka imani jingoni, sino ístuchi tsípisïnga.

• Biblieri konseju: “Ma sánderu sési pʼikuarherasïndi intsïmpini ka eska intsïmbinhani” (Úkuecha 20:35).

Incha je juchaari pájinarhu engajtsï uéjka míteani máteru Bibliarhu anapu prinsipiuechani engaksïni uaaka jarhuatani parajtsï jatsiani ambakiti amiguechani.