¿Jindeskiksï Jeobaeri testiguecha Estados Unidos anapu sekta ma?

Juchari sede mundiali Estados Unidos jarhasti. Peruchi no jindeska jini anapu sekta ma. Exe je andi nómbe.

• Máruksï uandasïndi eska sekta ma jindeska grupu ma enga relijioni ma jimbo uéraka. Jeobaeri testiguechaksï no ma relijioni jimbo uérasti. Sánderu sési, jucha jánguarhintaxaka para úni ambe engaksï primeru siglurhu anapu kristianuecha uénga.

• Jarhastiksï Jeobaeri testiguecha jukari dosientusi treinta paisicha ka iretecha jimbo. Ka no arhiparini nani engachi irekaaka, marhuakusïngachi Jeobani ka tata Jesukristuni ka no Estados Unidos anapu gobiernuni ka ni máteru gobiernuni (Juanu 15:19; 17:15, 16).

• Juchari jakajkukuechaksï Bibliarhu pʼitakata jarhasti, ka no ma karakata jimbo enga karaka orhejtsïkuti ma relijioniri Estados Unidos anapu ma (1 Tesalonika 2:13).

• Chúxapasïngachi tata Jesukristuni ka no kʼuiripuni ma (Mateu 23:8-10).